Snake Bite Viral News: सोशल मीडियावर एक अत्यंत धक्कादायक आणि विचित्र व्हिडिओ समोर आला आहे. एका तरुणाने स्वत:च्या तोंडात कोब्रा सापाचे तोंड ठेवून भयानक स्टंट केला आहे. विशेष म्हणजे असा स्टॅट करत असताना त्याचा मृत्यू देखील झाला आहे. व्हिडिओ तेलंगणाच्या कामारेड्डी जिल्ह्यातील असल्याचं कळत आहे. सदर व्हिडिओ मोठ्या प्रमाणात व्हायरल होत आहे.
खरंतर व्हिडिओ अविश्वसनीय असाच आहे. लोक सापाला पाहिलं तरी त्याच्यापासून दूर पळतात. पण, हा २० वर्षाचा मुलगा थेट सापाचे तोंड आपल्या तोंडात ठेवून खतरनाक स्टंट करत आहे. स्थानिकांनी दिलेल्या माहितीनुसार तरुणाचे नाव शिवराज होते. व्हिडिओमध्ये शिवराज हात जोडून उभा आहे अन् त्याच्यामध्ये तोंडामध्ये एक भला मोठा साप आहे. अंगावर काटा आणणारा हा प्रचंग आहे.
