बाप लेकीचं नातं अनोखं असतं. आपली लेक ही बापासाठी सर्वांत मोठा आनंद असतो. दोघांचाही एकमेकांवर अफाट जीव असतो. त्याला वयाची बंधने नसतात. सध्या असाच एक व्हिडिओ सोशल मीडियावर व्हायरल झाला आहे. त्यामध्ये अवघ्या एका वर्षाची चिमुकली आपल्या वडिलांना व्हिडिओ कॉलवर बोलताना दिसत आहे.
व्हायरल होत असलेल्या व्हिडिओमधील चिमुकली अवघी आठ महिने ते एका वर्षाची असून तिच्या वडिलांचा व्हिडिओ कॉल आल्यावर तिचा आनंद गगनात मावत नाही. "पप्पा लवकर या, आय लव्ह यू पप्पा" असं म्हणत ती फोनला मिठी मारताना आणि फोनवरील पप्पांच्या फोटोची पप्पी घेताना दिसत आहे.
दरम्यान, हा बापलेकीचं हे नातं पाहून तुम्हालाही आपल्या लेकीची किंवा वडिलांची आठवण आल्याशिवाय राहणार नाही. ही चिमुकली जरी वडिलांना प्रत्यक्षरित्या भेटू शकत नसली तरी तंत्रज्ञानाने तिची आणि वडिलांची भेट घडवली यामुळे तंत्रज्ञानाचे आभार असं कॅप्शन या व्हिडिओवर टाकण्यात आलं आहे.
इंस्टाग्रामवरील Babyviha30 या अकाऊंटवरून हा व्हिडिओ पोस्ट करण्यात आला असून आत्तापर्यंत या व्हिडिओला ३ लाख ३३ हजार नेटकऱ्यांनी लाईक केलं असून यावर आपल्या प्रतिक्रिया व्यक्त केल्या आहेत. बापलेकींचा हा गोड व्हिडिओ पाहून आपल्यालाही समाधान वाटेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
