Video : बाप्पाचं गाणं वाजताच एनर्जी येतेच! पोरींचा डान्स पाहून तुम्ही पण नाही थिरकलात तर शप्पथ

Ganesh Chaturthi 2024 Energetic dance : गणपती बप्पा मोरया...,मंगलमूर्ति मोरया...! हे गाणं वाजलं आणि आपले पाय थिरकले नाही, असं होणारच नाही. गणपतीच्या आगमनानं सर्वत्र भक्तिमन वातावरण झालं आहे. बाप्पाच्या आगमनाचे अनेक व्हिडीओ सोशल मीडियावर व्हायरल झाले आहेत. पण, एका व्हिडीओ जो सध्या धुमाकूळ घालतोय. मुलींच्या ग्रुप डान्सचा हा व्हिडीओ पाहून तुम्हीपण जिथे असाल तिथे नक्की थिरकाल..

'गणपती बाप्पा मोरया' हे गाणं वाजताच या पोरींनी धरलेला ठेका आश्चर्यचकित करणार आहे. त्यांचा परफॉर्मन्स पाहून कुणीही मंत्रमुग्ध होईल. अतिशय दमदार आणि वेगवान गाण्याच्या तालावर या मुली खूप वेगाने नाचत आहे. त्यांच्या डान्स आपल्यालाही थिरकायला लावणारा आहे. त्या मुलींच्या सर्व चाली अप्रतिम आहेत आणि त्या प्रत्येक बीटवर तंतोतंत जुळतात.

या व्हिडिओने माझा दिवस बनवला, अशी प्रतिक्रिया एका युजरने दिली आहे आणि त्याने व्हिडीओ शेअर केल्याबद्दल धन्यवाद मानले आहे. या गाण्यातून खरी ऊर्जा येत आहे, असे सांगून अनेकांनी तो शेअरही केला आहे.