Eknath Shinde: उत्साह, जल्लोष, आनंद... CM एकनाथ शिंदेंनी केलं 'या' स्पेशल व्यक्तीसोबत ढोलवादन; Video Viral

मुंबई : गणेश विसर्जन सोहळा काल देशभरात पार पडला. मुंबई-पुण्यात तर दरवर्षीच विसर्जन सोहळ्यात मोठा उत्साह पाहायला मिळतो. दरम्यान, मुख्यमंत्री एकनाथ शिंदे यांनी एक व्हिडिओ ट्विटरवरुन शेअर केला आहे. यामध्ये ते ढोलवादन करताना दिसत आहेत. विशेष म्हणजे यावेळी त्यांच्यासोबत एक विशेष व्यक्ती आहे. या व्यक्तीला त्यांनी ढोलवादनही शिकवलं.

हा व्हिडिओ शेअर करताना त्याला उत्साह, जल्लोष, आनंद....अस कॅप्शनही दिलं आहे. सहाजिकच हा व्हिडिओ कालच्या विसर्जन सोहळ्यातील ढोलवादनाचा असल्याचं दिसत आहे. यामध्ये मुख्यमंत्री मोठ्या उत्साहात दिसत आहेत.

दरम्यान, त्यांच्यासोबतची ती व्यक्ती म्हणजे दुसरं-सितरं कोणी नसून त्यांचा नातू आहे. साधारण दोन-अडीच वर्षे वय असलेल्या आपल्या नातवासोबत मुख्यमंत्री एकनाथ शिंदे हे ढोलवादनाचा आनंद लुटत आहेत. नातवाच्या हातात ढोलवादनाची टिपरु देऊन त्याला ढोल वाजवायला शिकवत आहेत. त्यांचा नातूही आवडीनं ढोलवादन करतो आहे.

त्याचबरोबर नातवाच्या हातात भगवी पताका देत ही पताका नाचवतात कशी ते देखील मुख्यमंत्री त्याला सांगत आहेत. यावेळी मुख्यमंत्र्यांचे पुत्र आणि खासदार श्रीकांत शिंदे हे देखील उपस्थित होते. मुख्यमंत्र्यांच्या निवासस्थानाच्या परिसरातीलच हा व्हिडिओ असल्याचं दिसतं आहे.