लखनऊ : पाकिस्तानातून आपल्या प्रियकरासाठी भारतात आलेली सीमा हैदर सध्या चांगलीच चर्चेत आहे. एका महिन्यापासून सीमा आणि सचिनची लव्ह स्टोरी समोर आली असून भारतीय माध्यमांनी त्यांना चांगलीच प्रसिद्धी दिली आहे. त्यांच्या लव्ह स्टोरीवर एक चित्रपटही येत असून त्यासाठी ऑडिशन घेणे सुरू झाले आहे.
"कराची टू नोएडा" असं या चित्रपटाचं नाव आहे. या चित्रपटासाठी कलाकारांची निवड केली जात आहे. ऑडिशनचा व्हिडिओ सध्या सोशल मीडियावर व्हायरल झाला आहे. तर लवकरच हा चित्रपट प्रेक्षकांच्या भेटीला येणार असल्याचंही बोललं जातंय. या चित्रपटामध्ये खुद्द सीमा हैदर आणि सचिन हेसुद्धा काम करणार असल्याची माहिती आहे.
दरम्यान, पाकिस्तानातील सीमा हैदर आणि सचिन यांची पबजी खेळता खेळता ओळख झाली आणि नंतर या ओळखीचे मैत्रीत रूपांतर झाले. मैत्रीचे रूपांतर पुढे प्रेमात झाले आणि ते दोघे नेपाळमध्ये एकदा भेटले. त्यानंतर सीमा आपल्या तीन मुलांसोबत पाकिस्तानातून नेपाळमार्गे भारतात आली. यावेळी तिच्याकडे भारताचा व्हिसा नव्हता.
अवैधरित्या सीमा पार करून ती भारतात आल्याचं तिनेच माध्यमांना सांगितलं आहे. त्यानंतर हे प्रकरण भारतीय माध्यमांमध्ये चांगलंच गाजलं होतं. खूप कमी वेळेत त्यांची प्रसिद्धी झाली, तिची नंतर दहशतवादी विरोधी पथकाकडूनही चौकशी करण्यात आली होती. त्यांच्या प्रेम कहानीवर आता चित्रपटही येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
