लग्नाच्या दिवशीच नवरदेवाची Love Story आली समोर; नवरी सोडून मेहुणीशी घेतले सात फेरे | Marriage

Unique Love Story: लग्न एकीशी ठरलं आणि ऐन लग्नाच्या दिवशी सात फेरे घेतले ते होणाऱ्या बायकोच्या बहिणीशी म्हणजेच मेहुणीशी. अशी स्टोरी आपण कधी ऐकली आहे का? ही घटना घडली आहे बिहारमध्ये. सारण जिल्ह्यातील मांझी येथील भभौली या गावात या प्रकरणावरून चांगलाच वाद झालाय.

अधिक माहितीनुसार, भभौली येथील रहिवाशी असलेल्या रामू बीन यांची मुलगी रिंकू कुमारी हिचा विवाह छपरा शहरातील रतनपुरा बिनटोली येथील रहिवाशी असलेल्या जगमोहन महतो यांचा मुलगा राजेश कुमार याच्याशी ठरला होता. २ मे रोजी हा विवाह होणार होता. पण लग्नाच्या दिवशीच वेगळाच प्रसंग घडला.

लग्नाच्या दिवशी नवरदेव नवरीच्या घरी पोहोचला. सासरच्या लोकांनी नवरदेवाचे जंगी स्वागत केले. लग्न झाले, एकमेकांना हार घातला पण परिक्षेसाठी बाहेरच्या शहरात असलेल्या नवरीची बहीण पुतुल कुमारीच्या हा प्रकार लक्षात आला.

पुतुल कुमारी आणि राजेश कुमार यांचे आधीपासूनच प्रेमसंबंध होते. तर आपल्याच बहिणीशी राजेशचा विवाह होणार असल्याचं पाहून पुतुलला राहावलं नाही.

पुतुलने भर लग्नात फोन करून राजेशला धमकी दिली. जर माझ्या बहिणीशी लग्न केले तर मी आत्महत्या करेन अशी धमकी दिली. त्यानंतर हा प्रकार सर्वांच्या लक्षात आला.

त्यामुळे नवरीच्या घरच्यांनी नवरदेवाची चांगलीच धुलाई केली. हे प्रकरण पोलीस स्टेशनमध्ये गेले आणि दोन्ही कुटुंबियांनी समजदारीने पुतुल आणि राजेशचा विवाह लावून दिला.