Latest Marathi News: अविवाहित असल्याचं सांगून दोन लेकराचा बाप दुसरं लग्न करत असल्याची धक्कादायक बाब समोर आली आहे.
ही घटना उत्तरप्रदेशमधील एटामध्ये घडली असून ही माहिती समोर आल्यानंतर सदर व्यक्तीच्या पहिल्या पत्नीने आणि तिच्या भावाने नवरदेवाला मारहाण केली. त्यानंतर वधूच्या वडिलांच्या तक्रारीवरून व्यक्तीवर गुन्हा दाखल करण्यात आला आहे.
अधिक माहितीनुसार, कपिंजल यादव असं या व्यक्तीचं नाव असून त्याने 18 एप्रिल 2012 रोजी कासगंज येथील रहिवासी असलेल्या श्वेता यादवसोबत विवाह केला होता.
त्यावेळी त्याच्या सासऱ्याने २० लाख रूपये हुंडा आणि लग्नात मोठा खर्च केला होता. कपिंजल याला त्याच्या पहिल्या बायकोपासून दोन मुली आहेत पण त्यांच्यामध्ये काहीतरी वादावादी झाल्यानंतर ती आपल्या माहेरी निघून गेली होती.
दरम्यान, दुसरं लग्न करत असल्याची माहिती मिळताच श्वेता आणि तिच्या भावंडांनी कपिंजलला भर मंडपात मारहाण केली. वधूच्या पालकांनी तक्रार दिल्यानंतर कपिंजल याच्यावर गुन्हा दाखल करण्यात आला असून त्याला तुरूंगात पाठवण्यात आलं आहे. तर फरार झालेल्या कुटुंबियांचा शोध पोलिसांनी सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
