रांची : बिहार येथील एक मुलगा आपल्या आईच्या आजारावरील उपचारासाठी पैसे मिळावेत यासाठी झारखंड राज्यातील रांची येथे किडनी विकण्यासाठी पोहोचला आहे. त्याच्याकडे आईच्या उपचारासाठी पैसे नसल्याचं त्याने सांगितलं आहे. तर रांची येथील रिम्स हॉस्पिटलच्या डॉक्टरांनी सदर मुलाच्या आईचा मोफत उपचार करण्याचे आश्वासन दिले आहे.
बिहार येथील गया जिल्ह्यातील एक अल्पवयीन दिपांशूची मुलाची आई आजारी आहे. तो आपल्या जीवापेक्षा आईवर जास्त प्रेम करतो. त्याचे वडील या जगात नसल्यामुळे त्याच्या आईच्या आजारपणाची सगळी जबाबदारी त्याने घेतली.
तो त्यासाठी बिहारमधून रांची येथे येऊन एका हॉटेलमध्ये काम करत होता पण त्याला एके दिवशी अचानक कळलं की आपल्या आईचे दोन पाय तुटले आहेत. पण त्याच्याकडे आईच्या उपचारासाठी पैसे नव्हते. त्याने मग झारखंडमधील रांची येथील रिम्स हॉस्पिटल गाठलं.
त्याने किडनी विकायचं ठरवलं होतं. बराच वेळ शोध घेतल्यानंतर त्याला किडनी विकत घेणारा ग्राहक सापडला नाही पण त्याची भेट तेथील डॉक्टर असलेल्या विकास कुमार यांच्याशी झाली. पण डॉक्टरांनी या मुलाची कहानी ऐकून त्याच्या आईचा उपचार मोफत करून देण्याची ग्वाही दिली आहे.
दरम्यान, आपल्या आईच्या उपचारासाठी स्वत:ची किडनी विकण्यासाठी तयार झालेल्या या मुलाची स्टोरी पाहून आपल्याही डोळ्यात पाणी येईल. ज्या मातेने आपल्याला जन्म दिला, तिला संभाळण्याची पूर्ण जबाबदारी आपली असून तिच्यासाठी जीव द्यायलाही तयार असलेल्या दिपांशूचं सर्व स्तरातून कौतुक केलं जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
