Mumbai Trans Harbour Link : मुंबईच्या सागरी सेतूचा खर्च कोट्यावधीत, पारबंदर प्रकल्पाची वैशिष्ट्ये वाचा

Mumbai Trans Harbour Link : मुंबईतील एमटीएचएल प्रकल्प हा मुंबईत आर्थिक भरभराट आणणारा ठरेल तसेच यामुळे मुंबई ते नवी मुंबई हे अंतरसुद्धा फार सोपे होईल असा विश्वास मुख्यमंत्री एकनाथ शिंदे यांनी व्यक्त केला आहे. तर महाराष्ट्राच्या ट्रिलियन डॉलर इकॉनॉमीचा मार्ग एमटीएचएलवरून जाईल, असे उपमुख्यमंत्री देवेंद्र फडणवीस म्हणाले. मात्र कोट्यावधींचा खर्च लागणाऱ्या या सेतूचा नक्की फायदा कोणाला आणि कसा ते थोडक्यात समजून घेऊया.

हा प्रकल्प मुंबई, नवी मुंबई आणि रायगड जिल्ह्यातील सामाजिक आर्थिक परिस्थिती पालटून टाकणारा गेम चेंजर प्रकल्प ठरणार आहे. हा पुल पुढे मुंबई- पुणे एक्स्प्रेस वे, आणि मुंबई -गोवा मार्गाला जोडण्यात येणार आहे. यामुळे तिसरी मुंबई म्हणून ओळखल्या जाणाऱ्या प्रदेशात शैक्षणिक, औद्योगिक आणि सेवा क्षेत्र यांचा विकास होणार असल्याचे त्यांनी सांगितले. (Eknath Shinde)

आता या प्रकल्पाचे फायदे थोडक्यात समजून घेऊयात

प्रकल्पाचे फायदे :

• नवी मुंबई व रायगड जिल्ह्यातील प्रदेशाचा भौतिक व आर्थिक विकास

• प्रस्तावित नवी मुंबई विमानतळाशी वेगवान दळणवळण शक्य

• मुंबई पोर्ट व जवाहरलाल नेहरू पोर्ट यांचे दरम्यान वेगवान दळणवळण शक्य

मुंबई व नवी मुंबई, रायगड, मुंबई-पुणे द्रुतगती महामार्ग व मुंबई-गोवा महामार्ग यामधील अंतर सुमारे १५ किमी कमी झाल्यामुळे इंधन, वाहतूक खर्च आणि मौल्यवान वेळेत सुमारे एका तासाची बचत होईल.

प्रकल्पाची वैशिष्ठ्ये :

हा भारतातील सर्वात जास्त लांबीचा आणि जगभरातील १० व्या लांबीचा पाण्यावरील समुद्रावरील पूल ठरणार आहे.

ऑर्थोट्रोपिक स्टील डेक पद्धतीच्या तंत्रज्ञानाचा भारतात प्रथम वापर या सेतूच्या निर्मितीसाठी करण्यात येईल.

८५००० मे.टन ऑथोट्रॉपीक स्टीलचा वापर यात करणार येणार आहे. १,७०,००० मे. टन वजनाच्या स्टोलच्या सळयांचा प्रकल्पात वापर असणार आहे. ४८,००० किमी लांबीच्या प्रिस्ट्रेसोंग वायर्सचा प्रकल्पात वापर केला जातो. तर ९,७५,००० घनमीटर कॉक्रीटचा प्रकल्पात वापर करण्यात येईल. ३५ किमी लांबीच्या पाईल लाईनर्सचासुद्धा प्रकल्पात वापर करण्यात येणार आहे.