मुंबई : मागच्या काही दिवसांपासून मुंबईसह मुंबई उपनगरामध्ये मुसळधार पावसाने हजेरी लावली. मुसळधार पावसामुळे अनेक घरांत पाणी शिरले असून रस्ते पाण्याखाली गेले आहेत. तर नागरिकांना यामुळे मोठा त्रास सहन करावा लागत आहे. रस्त्यावर आलेल्या पाण्यामुळे मोठ्या प्रमाणावर वाहतूक कोंडी होत आहे.
मुंबईतील वसई विरार भागातील वसई पूर्व येथील एक व्हिडिओ समोर आला आहे. त्यामध्ये रस्त्यावर काही ठिकाणी गुडघ्याएवढे तर काही ठिकाणी कंबरेएवढे पाणी साचल्याचं चित्र आहे. तर याच पाण्यातून नागरिकांना वाट काढावी लागली आहे. या रस्त्यावर मोठ्या प्रमाणावर वाहतूक कोंडी झाली असून काही वाहने बंद पडली आहेत. त्यांना धक्का देत बाहेर काढण्यात येत आहे.
नागरिकांचे जनजीवन विस्कळीत
मुसळधार पावसामुळे अनेक नागरिकांच्या घरात पाणी घुसले असून संसार उघड्यावर आले आहेत. तर दुचाकी आणि चारचाकी वाहने वाहून गेल्याच्याही घटना घडल्या आहेत. रस्त्यावर पाणी आल्यामुळे अनेक नागरिकांचे जनजीवन विस्कळीत झाले आहे.
नागपूर, वर्धा, बुलढाणा, अकोला, कोल्हापूर आणि कोकणातील रत्नागिरी, सिंधुदुर्ग, रायगड जिल्ह्यात पावसाने हजेरी लावली. वर्धा, यवतमाळ, अकोला बुलढाण्यामधील शेतकऱ्यांची पिके पाण्याखाली गेले आहेत तर मराठवाड्यातील अनेक भागांत पाऊस नसल्याची स्थिती आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
