Crime News : थाटामाटात लग्न लावलं, बायकोला मोठ्या तोऱ्यात घरी आणलं, लग्नानंतरचे सगळे विधी आवरले, त्यानंतर बायको घरच्यांना भेटायला म्हणून गेली ती कायमचीच, परत आलीच नाही. अशा घटना अलीकडे महाराष्ट्रात घडायला लागल्या आहेत. लग्नाला मुली मिळत नसल्यामुळे फसवणुकीचे अनेक प्रकार घडत आहेत. पण हा प्रकार घडला आहे उत्तरप्रदेशमध्ये.
उत्तरप्रदेशमधील बांदा येथे ३१ मे रोजी एका मुलाचे लग्न पार पडले. त्याने लग्न लागल्यानंतर मोठ्या थाटामाटात नवरीला घरी आणले. दुसऱ्या दिवशी सगळ्या विधी पार पडल्या. लग्नानंतर सहा दिवसांनी सदर नवरी आईवडिलांना भेटण्यासाठी माहेरी गेली.
त्यानंतर ही नवविवाहिता सामान खरेदी करण्याच्या निमित्ताने बाजारात गेली खरी पण तिने तिथूनच आपल्या जुन्या प्रियकरासोबत पलायन केले. तिच्यासोबत लग्नामध्ये तिला घेतलेले दागिने आणि घरातून नेलेले पैसेसुद्धा होते.
बराच वेळ आपली मुलगी घरी न आल्यामुळे घरच्यांनी तिला संपर्क साधला पण तिचा फोन बंद होता. नंतर कळाले की, नवविवाहिता तिच्या भावाच्या सासरच्या एका नातेवाईकासोबत पळून गेली आहे. या प्रकारानंतर तिच्या वडिलांनी दोन संशयित तरूणांविरोधात तक्रार दाखल केली. पोलिसांकडून याप्रकरणी अधिकचा तपास सुरू केला आहे.
पण विवाहित तरूणाची फसवणूक झाली असून त्याचे लग्नानंतर रंगवलेले स्वप्न संसार सुरू होण्याआधीच संपलं आहे. त्याचबरोबर या तरूणाची आर्थिक फसवणूक झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
