इस्लामाबाद : मागच्या काही महिन्यांपासून पाकिस्तानाची परिस्थिती बिकट आहे. आर्थिक मंदी आणि महागाईमुळे तेथील नागरिक त्रस्त झाले असून काही नागरिकांना दोन वेळचे अन्न मिळणे कठीण झाले आहे.
त्याचबरोबर इतर विकसनशील देशांच्या तुलनेत पाकिस्तानची परिस्थिती खूपच बिकट आहे. सध्या एक व्हिडिओ सोशल मीडियावर व्हायरल झाला असून त्यामध्ये रस्त्यावरील वाहतूक पाहून चक्क ट्रेन थांबल्याचं यामध्ये दिसत आहे.
व्हायरल होत असलेला व्हिडिओ पाकिस्तानातील एका रस्त्यावरील आहे. सदर रस्त्यावर रेल्वेच्या ट्रॅकची क्रॉसिंगसुद्धा आहे. पण ट्रेन आल्यानंतर या रस्त्यावरील वाहतूक थांबवण्यासाठी कोणतेही फाटक टाकलेले नाही. तर वाहने थांबण्यासाठी ट्रेनचे ड्रायव्हर हॉर्न वाजवून वाजवून वैतागले असून रेल्वे कर्मचारी चक्क रस्त्यावर येऊन वाहतूक थांबवण्यासाठी प्रयत्न करत आहेत.
दरम्यान, वाहतूक कर्मचारी रस्त्यावर आल्यानंतर सुद्धा वाहने रस्त्यावरून जात असल्याचं दिसत आहे. बऱ्याच वेळाने वाहतूक थांबवण्यात आल्यानंतर ट्रेन आपल्या ट्रॅकवरून पुढे निघून जाते. पण वाहनांमुळे चक्क ट्रेन थांबल्याचा प्रकार आपणही पहिल्यांदाच पाहत असाल. हा व्हिडिओ सध्या सोशल मीडियावर चांगलाच व्हायरल होत असून अनेकांनी यावर आपल्या विनोदी प्रतिक्रिया व्यक्त केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
