जळगाव : महाराष्ट्रातील जळगाव येथील एक घटना समोर आली असून आपल्या मुलाला परिक्षेसाठी कॉपी देण्यासाठी गेलेल्या बापाला पोलिसांनी चांगलाच चोप दिल्याची माहिती आहे. जळगाव येथे ही घटना घडली असून या घटनेचा व्हिडिओ सध्या सोशल मीडियावर व्हायरल झाला आहे.
व्हायरल होत असलेल्या व्हिडिओमध्ये एका व्यक्तीला दोन पोलीस अधिकारी काठीने बेदम मारहाण करताना दिसत आहेत. त्याचबरोबर या मारहाणीमध्ये सदर व्यक्ती जखमी झाला असून तो खाली पडल्यानंतरही त्याला पोलिसांकडून मारहाण केली जात असल्याचं या व्हिडिओमध्ये दिसत आहे.
दरम्यान, सध्या १० वी आणि १२ वी बोर्डाच्या परीक्षा सुरू असून राज्यभर या परिक्षेसाठी लगबग सुरू आहे. दोन दिवसांपूर्वी बुलढाणा येथे बारावीच्या गणिताचा पेपर फुटला होता. त्यामुळे चांगलाच गोंधळ उडाला होता. तर परिक्षार्थींना कॉपी देणाऱ्यांना पोलिसांकडून अशा प्रकारचा चोप दिला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
