मिरज : सांगलीतील मिरज तालुक्यात एका व्यक्तीने दारूच्या नशेत आपलीच दुचाकी पेटवल्याची घटना घडली आहे. मिरज तालुक्यातील म्हैसाळ गावातील ही घटना असल्याची माहिती समोर आली असून या घटनेचा व्हिडिओ सोशल मीडियावर व्हायरल झाला आहे.
अधिक माहितीनुसार, गावातील चौकामध्ये अनेक लोकं उभी असल्याचं दिसत आहे. तर हा व्यक्ती दारूच्या नशेत असल्यामुळे तो आपली गाडी पेटवण्याच्या प्रयत्नात होता. काही लोकांनी या व्यक्तीला अडवण्याचा प्रयत्न केला पण त्याने या लोकांच्या बोलण्याकडे लक्ष दिलं नाही. आपल्या गाडीला लाथ मारून या व्यक्तीने गाडी पेटवली. गाडीने पेट घेतल्यानंतर आगीचा मोठा भडका उडाल्याचं या व्हिडिओमध्ये दिसत आहे.
दरम्यान, गाडीने पेट घेतल्यानंतर हा व्यक्ती तिथेच खाली पडला होता. पण त्याला सुदैवाने कोणतीही दुखापत झाली नाही, आगीमध्ये गाडी जळून खाक झाली आहे. घरगुती वादातून हा प्रकार घडल्याचं बोललं जातंय. हा व्हिडिओ सोशल मीडियावर चांगलाच व्हायरल झाला आहे. अनेकांनी त्यावर आपल्या प्रतिक्रिया व्यक्त केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
