काही दिवसांपूर्वी छप्पर उडालेल्या एसटी बसचा व्हिडिओ व्हायरल झाला होता. त्यानंतर छतामधून पाणी गळणाऱ्या बसचा आणि समोरील काचेवर असलेले वायपर हाताने फिरवून काचेवरील पावसाचे पाणी साफ करणाऱ्या ड्रायव्हरचाही व्हिडिओ समोर आला होता. यानंतर एसटी महामंडळावर अनेकांनी टीका केली होती. तर छप्पर उडाल्याप्रकरणी सदर अभियंत्याला महामंडळाने निलंबित केले होते.
सध्या एसटीचा अजून एक व्हिडिओ व्हायरल झाला आहे. ही बस सोलापूर जिल्ह्यातील गाणगापूर ते कुर्डूवाडी या मार्गावर धावणारी बस असून बसमध्ये महिलांची गर्दी झाली आहे. बसण्यासाठी जागा नसल्यामुळे महिला ड्रायव्हरच्या बाजूने बसमध्ये चढताना दिसत आहेत. तर फक्त ड्रायव्हरच्या आसनावर चार ते पाच महिला बसल्याचं दिसत आहे.
दरम्यान, यातील एक महिला थेट हॉर्नवर बसल्यामुळे गाडीचा हॉर्न बराच वेळ वाजत होता. ही जागा ड्रायव्हरची आहे असं व्हिडिओ शूट करणारा व्यक्ती त्यांना सांगत आहे तरीही महिलांनी या जागेवर बसण्यासाठी गर्दी केली आहे. मुख्य दरावाजा जवळ तर अनेक महिलांची बसमध्ये चढण्यासाठी गर्दी झाली आहे.
काही दिवसांपूर्वी महिलांना एसटीतून प्रवास करण्यासाठी सरकारने ५० टक्के सवलत दिली आहे. त्यानंतर प्रवास करणाऱ्या महिलांची सरासरी वाढली आणि एसटी महामंडळाला यामधून चांगला फायदा झाला आहे. त्यातच आता अनेक बसमध्ये बसण्यासाठी जागा नसल्याचं चित्र दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
