छत्रपती संभाजीनगर : छत्रपती संभाजीनगरमध्ये ट्रॅफिक पोलीसांच्या गुंडगिरीचा व्हिडीओ व्हायरल झाला आहे. त्यामध्ये ते भर चौकात एका तरूणाला लाथा आणि कानफडात मारत मारहाण करताना दिसत आहेत. क्रांतीचौकात शनिवारी दुपारी ३ वाजता ही घटना घडली.
अधिक माहितीनुसार, वाहतूक शाखेचे पोलीस हवालदार प्रदीप चव्हाण आणि पोलीस काँन्स्टेबल शहा यांनी एका तरूणाला लाथा आणि चापट मारत मारहाण केली. त्यामागचं कारण अद्याप समजले नाही. पण या घटनेचा व्हिडीओ सोशल मिडीयावर व्हायरल होत आहे. यावरून अनेक नेटकऱ्यांनी संताप व्यक्त केला आहे.
दरम्यान, वाहतुक पोलिसांनी लाच घेतल्याचा पुण्यातील व्हिडिओ सोशल मीडियावर दोन दिवसांपूर्वी व्हायरल झाला होता. त्यानंतर आता दुचाकीस्वार तरूणाला मारहाणीचा व्हिडिओ समोर आला असून वाहतुक पोलिसांविरोधात अनेकांनी संताप व्यक्त करत व्हिडिओवर कमेंट केल्या आहेत.
"वाहतूक पोलिसांवर विश्वास ठेवावा की नाही हा प्रश्न पडलाय... लाच घेणारे, १००, २०० रूपये घेणारे पोलीस पाहिले आहेत पण लाथा बुक्क्यानी मारहाण करणारे पोलीस पहिल्यांदाच पाहतोय." अशा प्रतिक्रिया नेटकऱ्यांनी व्यक्त केल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
