Trending News: सुट्टी एन्जॉय करायला गेलेल्या जोडप्याला कॅब पडली महागात; बिल आलं २४ लाख

एक अमेरिकन जोडपे ग्वाटेमाला इथं सुट्टीसाठी फिरायला गेले होते. डग्लस ऑर्डोनेझ त्यांची पत्नी डॉमिनिकसोबत त्यांच्या लग्नाचा पाचवा वाढदिवस साजरा करण्यासाठी गेला होता. या जोडप्याने कॅबची राइड बुक केली होती.

या राइडचे भाडे ५५ डॉलर्स होते. राइड केल्यानंतर, डग्लसने काहीतरी खरेदी करण्यासाठी त्याचं डेबिट कार्ड दिलं आणि त्याला सांगण्यात आलं की त्याच्या खात्यात पुरेसे पैसे नाहीत. कॅब कंपनीने त्याच्याकडून २९९९४ डॉलर्स आकारले हे जाणून त्याला धक्का बसला.

जगातील कोणत्याही देशात कॅब राइडची किंमत किती असेल? तुम्ही एकाच शहरात फिरत असाल तर कमाल ३००-४०० रुपये. एका शहरातून दुसऱ्या शहरात जायचे असेल तर पैसे जास्त लागतात. विशेष म्हणजे, अमेरिकेतील एका जोडप्याला कॅब राईडसाठी इतके पैसे मोजावे लागले की ते कार विकत घेऊ शकले असते! (Trending News)

डग्लसने ट्विटरवर लिहिलं की कॅब कंपनीने कोस्टा रिकामध्ये कॅब राइडसाठी त्याच्याकडून २९९९४ डॉलर्स (सुमारे 24.77 लाख रुपये) शुल्क आकारलं. डग्लसने पुढे सांगितलं की कॅब कंपनीने कोस्टा रिकन चलनात त्याचं रुपांतर केलं नाही. २४ तास उलटूनही त्यांची समस्या सुटली नसल्याचं जोडप्यानं सांगितलं. या सगळ्या दरम्यान डॉमिनिकने टिकटॉकवर व्हिडिओही शेअर केला आहे.

 खरंतर कॅबला २९,९९५ कोस्टा रिकन चलनातले पैसे आकारायचे होते. कॅब कंपनीने चार दिवसांनी दाम्पत्याला पैसे परत केले. कॅब कंपनीने बिलात कपात केली, पण कस्टमर केअरचाही फारसा फायदा झाला नाही असं या जोडप्याचं म्हणणं आहे. यानंतर त्यांनी सोशल मीडियावर या प्रकरणी दाद मागितली.