Viral News : सोशल मीडियावर बऱ्याच गोष्टी व्हायरल होत असतात मात्र एका पोलीस अधिकाऱ्याच्या कुटुंबाने काढलेली सेल्फी पोलीस अधिकाऱ्याला चांगलीच महागात पडली. उत्तर प्रदेशच्या उन्नावमधील एक एका पोलीस अधिकाऱ्याच्या मुलाने आणि बायकोने नोटांच्या बंडलासह सेल्फी घेतला. हा सेल्फी सोशल मीडियावर चांगलाच व्हायरल झाला. त्यानंतर पोलीस अधिकाऱ्याची तात्काळ बदली करण्यात आली असून या पोलीसाची चौकशी सुरू आहे.
व्हायरल झालेल्या सेल्फीमध्ये पोलीस अधिकाऱ्याची बायको दोन मुलांसह 500 रुपयांच्या नोटांच्या बंडलांसह सेल्फीमध्ये पोज देताना दिसले. सोशल मीडियावर सध्या व्हायरल होत असलेल्या या छायाचित्रात पोलीस अधिकाऱ्याची पत्नी आणि दोन मुले 14 लाख रुपयांच्या रोख रकमेसह बेडवर बसलेले दिसत आहेत.
नोटांच्या बंडलांसह अधिकाऱ्याचा फोटो व्हायरल होताच एका वरिष्ठ पोलीस अधिकाऱ्याने तातडीने या प्रकरणाच्या चौकशीचे आदेश दिले. स्टेशन प्रभारी रमेशचंद्र सहानी असे संशयित पोलीस अधिकाऱ्याचे नाव असून यांची पोलीस लाईन्स येथे बदली करण्यात आली आहे.
व्हायरल झालेल्या फोटोवर स्पष्टीकरण देत रमेशचंद्र सहानी यांनी स्वतःचा बचाव करत हा सेल्फी जेव्हा त्यांनी कौटुंबिक मालमत्ता विकली होती तेव्हाचा म्हणजेच 14 नोव्हेंबर 2021 रोजी घेतला होता, असे सांगितले. या प्रकरणावर पोलिसांची चौकशी सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
