देशभरात महिलांविरोधातील गुन्हे वाढल्याचा चित्र सध्या पाहायला मिळत आहे. यादरम्यान एक व्हिडीओ सोशल मीडियावर व्हायरल होत आहे ज्यामध्ये राजस्थानच्या डीडवाना येथील कुचामन येथे एका ठरकी दुकानदाराला शाळकरी मुलींनी चांगलीच अद्दल घडवल्याचा प्रकार समोर आला आहे. दुकानात आलेल्या शाळकरी मुलींसोबत गैरवर्तन करणाऱ्या या दुकानदाराला मुलींनी चांगलेच झोडपून काढले. या घटनेचा व्हिडीओ व्हायरल झाल्यानंतर या मुलींचे सर्वत्र कौतुक केलं जात आहे.