भोपाळ : मध्यप्रदेशमधील ग्वाल्हेर येथून एक धक्कादायक माहिती समोर आली असून मद्यधुंद अवस्थेतील एक तरूणी कारच्या बोनेटवर चढून ड्रामा करत आहे. त्याचबरोबर ती रस्त्यावरून जाणाऱ्या नागरिकांना नाहक त्रास देत असून या तरूणीचा व्हिडिओ सोशल मीडियावर चांगलाच व्हायरल झाला आहे. तिच्या या कारनाम्यामुळे रस्त्यावर वाहतूक कोंडी झाली होती.
व्हायरल होत असलेल्या व्हिडिओमध्ये एक तरूणी एका कारच्या बोनेटवर चढलेली दिसत आहे. कार सिग्नलवर थांबल्यानंतर ती बोनेटवर चढून शिवीगाळ करत आहे. तर सिग्नल सुटल्यानंतर वाहने बाजूने निघून जाताना दिसत आहेत. या तरूणीच्या राड्यामुळे रस्त्यावरील इतर वाहनांना नाहक त्रास होत होता.
दरम्यान, ती एका दुचाकीस्वार व्यक्तीला त्याच्या गाडीवरून खाली उतरवते आणि त्याच्या गाडीवर बसते. ती कुणाचेही काहीच ऐकण्याच्या तयारीत नसते. त्यानंतर तिने रस्त्यावरील बॅरिगेट्स सुद्धा पाडले आहेत. त्यानंतर काही महिलांनी तिला आवरण्याचा प्रयत्न केला.
पण तरीही ती शांत बसण्याच्या तयारीत नव्हती. काही वेळानंतर पोलीस आल्यानंतर तिला शांत करण्यात आले. या व्हिडिओवर अनेकांनी कमेंट केल्या असून मोठ्या प्रमाणावर हा व्हिडिओ शेअर केला जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
