farmers Union Budget Updates : मोदी सरकारच्या तिसऱ्या कार्यकाळातील पहिला अर्थसंकल्प सादर होत आहे. देशाच्या अर्थमंत्री निर्मला सीतारामन यांनी वेगवेगळ्या सेक्टरमधील विकासाच्या घोषणा केल्या. कृषी, रोजगार, सामाजिक न्याय, उत्पादन आणि सेवा, शहरी विकास, ऊर्जा सुरक्षा, नवीन उपक्रम, संशोधन आणि विकास, तरुणांसाठी सुविधा; या मुद्द्यांना धरुन अर्थसंकल्प सादर केला.
अर्थमंत्र्यांनी कृषी क्षेत्राशी संबंधित काही घोषणा केल्या आहेत. भाषणाच्या सुरुवातीला सीतारामन म्हणाल्या की, चार वेगवेगळ्या घटकांसाठी अर्थसंकल्पामध्ये तरतूद करण्यात आलेली आहे. यामध्ये गरीब, महिला, युवा आणि शेतकऱ्यांचा समावेश आहे.
शेतकऱ्यांसाठी आम्ही किमान आधारभूत किंमत जाहीर करत आहोत. तसेच पीएम गरीब कल्याण अन्न योजना पाच वर्षांसाठी वाढवली आहे. त्याचा फायदा ८० कोटींपेक्षा जास्त लोकांना होणार असल्याचं त्यांनी सांगितलं.
अर्थमंत्र्यांनी २ लाख कोटी रुपयांच्या केंद्रीय खर्चासह पाच वर्षांसाठी ४.१ कोटी युवकांना रोजगार, कौशल्य आधारीत सुविधांसाठी पाच योजना जाहीर केल्या आहेत. कौशल्य आणि रोजगारासाठी १.४८ लाख कोटी रुपयांचं पॅकेज अर्थमंत्र्यांनी जाहीर केलं.
अर्थमंमत्र्यांनी आपल्या भाषणात नैसर्गिक शैती व्हावी, यासाठी अर्थसंकल्पात भर दिल्याचं सांगितलं. ३२ निर्णयांसाठी १०९ योजना लाँच केल्याचं सीतारामन यांनी स्पष्ट केलं. कृषी विकास ही सरकारची प्रथम प्राथमिकता असल्याचं त्या म्हणाल्या.
कृषी आणि संलग्न क्षेत्रासाठी 1.52 लाख कोटींची घोषणा करण्यात आलेली असून सरकार राष्ट्रीय सहकार धोरण आणणार आहे. त्याच वेळी, सरकार भाज्यांचे उत्पादन वाढवण्यासाठी क्लस्टर योजना आणणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
