सबस्क्राईब करा
Union Budget 2022 : केंद्रीय अर्थमंत्री निर्मला सीतारमन (Nirmala Sitharaman) यांनी आज संसदेत देशाचा अर्थसंकल्प (Union Budget) मांडायला सुरूवात केली आहे. कोरोनामुळे अनेकांचे आर्थिक गणित कोलमडले गेल्याने सर्वसामान्य करदात्यांना (Tax Return) दिलासा मिळेल अशी अपेक्षा होती, मात्र, कररचनेत कोणतेही बदल न झाल्याने पुन्हा एकदा सर्वसामान्यांच्या पदरी निराश पडली आहे. (Latest Income tax slab rates 2022 News Update)
करदात्यांकडून फॉर्म भरताना एखादी चूक झाली तर त्यांची चौकशी होत होती. आता यापुढे ते बंद होणार असून त्यात गेल्या दोन वर्षातील चुकांची सुधारणा करण्याची संधी देण्यात येणार आहे. (Nirmala Sitharaman Budget 2022)
या आधी प्राप्तीकर परतावा भरताना काही चूक झाली तर त्या करदात्याची चौकशी करण्यात येत होती.
या पुढे काही चुका झाल्या तर त्याची चौकशी होणार नाही. त्या चुकामध्ये सुधारणा करण्यासाठी मुभा देण्यात येणार आहे.
सहकारी सोसायट्यांसाठी असणारा किमान पर्यायी कर (alternate minimum tax) टॅक्स हा 18.5 टक्क्यांवरून 15 टक्के इतका करण्याचा निर्णय घेतला आहे.
केंद्र आणि राज्य सरकारी कर्मचाऱ्यांसाठीचा एनपीएस यावर्षीपासून समान करण्यात येणार आहे.
गेल्या वर्षीप्रमाणेच असणार आयकराचा स्लॅब
प्राप्तिकराच्या नवीन स्लॅबमध्ये 2.5 लाख वार्षिक उत्पन्नावर कोणताही कर नाही.
2.5 लाख ते 5 लाखांपर्यंतच्या उत्पन्नावर 5 टक्के कर लागतो.
5 ते 7.5 लाखांपर्यंत 10 टक्के आणि 7.5 लाख ते 10 लाखांपर्यंत 15 टक्के आयकर भरावा लागेल.
याशिवाय 10 लाख ते 12.5 लाखांपर्यंतच्या उत्पन्नावर 20 टक्के, 12.5 ते 15 लाखांपर्यंतच्या उत्पन्नावर 25 टक्के आणि 15 लाखांपेक्षा जास्त उत्पन्नावर 30 टक्के दराने आयकर भरावा लागतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
