डॉक्टरच निघाला विश्वासघातकी...उपचारासाठी आलेल्या महिलेसोबत केला 'असा' धक्कादायक प्रकार

नाशिक : (लासलगाव) 'तुझा नवरा घरी नाही, गावाला गेलाय म्हणून काय झाले, तुझा नवरा नसला तरी मी आहे ना'...अन् त्या डॉक्टरने केले असे धक्कादायक कृत्य...गुरुवारी दुपारच्या सुमारास घडली घटना... 

अशी आहे घटना

गुरुवारी (ता. 25) दुपारी तीनच्या सुमारास डॉ. मोहम्मद नासिर मोहम्मद उस्मान यांच्या आयशा आयुर्वेदिक युनानी दवाखान्यामध्ये पीडित महिलेची तब्बेत बरी नसल्याने उपचारासाठी तिच्या मुलासोबत ती आली असता संशयित डॉक्‍टरने हात पकडत अश्‍लील भाषेत संवाद साधून तिचा विनयभंग केला. 'तुझा नवरा घरी नाही, गावाला गेला आहे. म्हणून काय झाले तुझा नवरा नसला तरी मी आहे ना' असे अश्लिल भाषेत बोलल्याने फिर्यादीच्या मनाला धक्का बसला असून लज्जा उत्पन्न झाली. म्हणून फिर्यादीने लासलगाव पोलीस ठाण्यात तक्रार दाखल करण्यात आली आहे.

हेही वाचा > ह्रदयद्रावक! सकाळी हसतमुख दिसलेल्या लेकीची दुपारी डेडबॉडीच...आईने फोडला हंबरडा

पीडित महिलेला संबंधीत प्रकाराचा मोठा धक्का पोहचला आहे. याप्रकरणी लासलगाव पोलीस ठाण्यात डॉक्टरविरोधात भादवि 354, 504, 506 अन्वये गुन्हा दाखल करण्यात आला असून सहाय्यक पोलीस निरीक्षक खंडेराव रंजवे यांच्या मार्गदर्शनाखाली एएसआय यु बी मोहरे, आर पी जोपळे पुढील तपास करीत आहेत.

हेही वाचा > सावध व्हा...'हा' आजार पडेल महागात...कोरोनाचे व्हाल बळी!