बिबट्याच्या हल्ल्यात तिच्यासोबतच पोटातल्या जीवाचा 'असा' दुर्देवी अंत!

नाशिक : (अंबासन) येथील मोराणे शिवारात ह्रदय हेलावणारी घटना घडली. अक्षरश: ते दृश्य बघून अंगावर काटा येईल असा प्रकार...ती दोन जीवांची, पोटात निरागस जीव आणि त्याची नजर अशी फिरली की थेट जीवच घेतला...तिने केलेला प्रतिकार निरर्थक ठरला अन् शेवटी तिच्यासोबत तिच्या पोटातला जीवाचा देखील दुर्देवी अंत झाला. 

अशी आहे घटना

शेतकरी हरी कोर यांनी शेतात जनावरांसाठी गोठावजा कांदाचाळ तयार केली आहे. जनावरांच्या सुरक्षिततेच्या दृष्टीने चारही बाजूने लोखंडाची जाळी लावली आहे. शेतकरी श्री. कोर मुलांसह पहाटे शेतात गेले असता, त्यांना लोखंडी जाळी उचकटलेली दिसली व गोठ्यात बांधलेल्या गाभण शेळीला बिबट्याने ठार केल्याचे निदर्शनास आले. बिबट्याच्या मादीबरोबर चार बछडे असल्याचे प्रत्यक्षदर्शींनी सांगितले. ताहाराबाद वनपरीक्षेत्रातील कर्मचाऱ्यांनी घटनेचा पंचनामा केला असून, बिबट्याचा बंदोबस्त करावा, अशी मागणी शेतकऱ्यांनी केली आहे. श्री. कोर यांनी वनपाल बोरसे, आहिरे व राजेंद्र साळुंखे यांना माहिती दिली. कर्मचाऱ्यांनी घटनास्थळी दाखल होत पंचनामा केला. 

हेही वाचा > अचानक आगीच्या ज्वाला आकाशात उठल्या...सगळ्यांचाच उडाला थरकाप!

परिसरात अनेक वर्षांपासून बिबट्यांचा मुक्तसंचार सुरू आहे. बऱ्याच शेतकऱ्यांना बिबट्याचे दर्शन होत आहे. काही शेतकऱ्यांना बिबट्याच्या मादीबरोबर चार बछडे दिसून आले आहेत. बिबट्याचा मुक्तसंचार वाढल्याने शेतकऱ्यांत भीतीचे वातावरण निर्माण झाले आहे. वन विभागाने लक्ष घालावे, अशी मागणी शेतकऱ्यांनी केली आहे.  

हेही वाचा > वाह! पोलिसदादा मनचं जिंकलं की हो...वेळप्रसंगी फावडं घेऊन थेट लागले कामाला!