'ती' आडलेल्या अवस्थेत...पण, काय अन् कसं करायचं 'त्यांना' काहीच माहिती नव्हतं...शेवटी

नाशिक : (दिंडोरी) देव मदतीला येतो असं खूपदा म्हटलं जाते. पण, माणुसकीतला देव भेटायला नक्कीच नशीब लागतं. गाय गतप्राण होण्याच्या मार्गावर असतांना त्यांनी मदत करुन गाय अन्‌ वासराचे प्राण वाचविल्याची घटना समोर आली. मुक्‍या प्राण्यांवर दया करावी, असे म्हटले जाते. परंतू असे क्वचितच लोक मदत करतात. मानवतेच्या भावनेतून त्यांना गाय व वासराचे प्राण वाचविण्यात यश आले.  

असा आहे प्रकार

रविवारी (ता. 15) सायंकाळी चारला एक गाय व तिच्या वासराचा जीव वाचविण्यासाठी तरुणांनी प्रयत्न केल्याने त्यांचे सर्वत्र कौतुक होत आहे. रविवारी एनडीएसटी सोसायटीच्या मासिक बैठकीनिमित्त काही तरुण गेले असता, जिल्हा परिषदेच्या मागे दुपारपासून एक गाय आपल्या वासराला जन्म देतांना खूप आडल्याचे लक्षात आले. मानवतेच्या भावनेतून मदत करण्याची खूप इच्छा होती; पण काय आणि कसं करायचं हे काहीच माहिती नव्हतं. पण गायीच्या तीन-चार तासांपासून चाललेल्या वेदना पाहवत नव्हत्या. गाय गतप्राण होण्याच्या मार्गावर होती. शेवटी मोहन चकोर, एनडीएसटीचे संचालक अरुण पवार, दत्तात्रेय आदीक व कल्पेश चव्हाण यांनी प्रयत्न करून आडलेल्या गायीचे वासरू बाहेर हळूच ओढून काढल्याने गायीने सुटकेचा निःश्‍वास टाकला. आता गाय व वासरू सुखरूप आहेत.

हेही वाचा > अचानक पहाटे 5.30 ला 'राज्यराणी' थांबवली!...अन्

हेही वाचा > येत्या हंगामात 'हे' दोन्ही कारखाने सुरु होण्याची शक्यता...कारण