जुने नाशिक : मध्यरात्रीचा वेळ...सगळे गाढ झोपेत असतांनाच घरात चोरट्याची झाली दब्या पावलांनी एंट्री. अन् त्याने डाव साधत केला हात साफ. मात्र जेव्हा मालकाला जाग आली. तेव्हा मात्र चोराची चांगलीच झाली फजिती. अन् नंतर फक्त दे दणा दण...वाचा नेमके काय घडले?
अशी आहे घटना
गंजमाळ येथील मकसूद शेख (वय ५१) सोमवारी (ता. १८) रात्री मोबाईल घरातील मांडणीवर चार्जिंगसाठी लावून झोपी गेले. रात्री दीडच्या सुमारास संशयिताने घराचे दार उघडे असल्याची संधी साधली. घरात प्रवेश करून नऊ हजारांचा मोबाईल आणि पॅन्टच्या खिशातील तीन हजारांची रोकड असा १२ हजारांचा ऐवज लंपास केला. संशयित घरातून बाहेर पडत असताना शेख यांना जाग आली. त्यांनी चोरट्यास पकडण्याचा प्रयत्न केला. मात्र, चकमा देत त्याने पळ काढला. त्यांनी चोर-चोर ओरडताच त्यांचे कुटुंब आणि नागरिकांनी चोरट्याचा पाठलाग करून काही अंतरावर त्यास ताब्यात घेतले. त्याची यथेच्छ धुलाई करून पोलिस उपनिरीक्षक जितेंद्र माळी यांच्या स्वाधीन केले. पोलिसांनी त्याची चौकशी केली असता, त्याने आकाश दिनकर ताटे (वय २३, रा. मुंबई वेस्ट) नाव असल्याचे सांगितले. नागरिक आणि पोलिसांच्या भीतीपोटी मोबाईल आणि रोकड अंधारात फेकल्याचे त्याने सांगितले. मंगळवारी (ता. १९) त्यास न्यायालयात हजर केले असता, दोन दिवसांची पोलिस कोठडी न्यायालयाने सुनावली.
दूध बाजारातून मोबाईलची चोरी
दूध बाजार परिसरात शनिवारी (ता. १६) सायंकाळी अविनाश अहिरे पत्नीसह दुकानात मोबाईलची दुरुस्ती करीत होते. एकजण मोबाईल दुरुस्तीच्या बहाणाने दुकानात आला. अहिरे यांनी मोबाईल घेऊन येण्यास सांगितले. त्याने जुने मोबाईल विक्री आहे का, अशी विचारणा केली. दुकानदाराने त्याच्याकडील जुने मोबाईल त्यास दाखविले. त्यानंतर त्याने परत येतो, असे म्हणत निघून गेला. त्यादरम्यान त्याने दुकानदाराचा काउंटरवर ठेवलेला २० हजारांचा मोबाईल लंपास केला. जुने मोबाईल ठेवत असताना त्यांना मोबाईलची आठवण झाली. दुकानात शोध घेतला. मात्र, मोबाईल आढळून आला नाही. ग्राहक बनून आलेल्या व्यक्तीनेच मोबाईल लंपास केल्याचा संशयावरून मंगळवारी (ता. १९) अहिरे यांनी पोलिसांत तक्रार दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.