नाशिक : हैदराबाद, दिल्ली, पुणे, मंगळूर, अहमदाबाद विमानसेनेनंतर आता ओझरहून बेळगावसाठी विमानसेवा सुरू करण्याचा निर्णय नागरी वाहतूक मंत्रालयाने घेतला आहे. केंद्र सरकारच्या उड्डाण योजनेंतर्गत येत्या २५ जानेवारीपासून नाशिक-बेळगाव विमानसेवा सुरू होणार आहे .
कोल्हापूर-गोव्याचा प्रवास होणार तीन तासांचा
नाशिक-बेळगाव विमानसेवेमुळे कोल्हापूर आणि गोव्याला अवघ्या दीड ते दोनच तासांत पोचणे शक्य होणार आहे. उडान योजनेंतर्गत नाशिक शहर देशभरातील मोठ्या शहरांना जोडले जावे यासाठी काही वर्षांपासून खासदार गोडसे प्रयत्नशील आहेत. त्यांच्या पाठपुराव्यामुळे नाशिक येथील ओझर विमानतळावरून हैदराबाद, दिल्ली, पुणे, बेंगळुरू, अहमदाबाद या ठिकाणची विमानसेवा कार्यरत आहे. नाशिक येथून कोल्हापूरच्या महालक्ष्मीला, तसेच गोव्याला पर्यटनासाठी जाणाऱ्यांची संख्या मोठी असल्याने नाशिक-बेळगाव दरम्यानची विमानसेवा सुरू व्हावी यासाठी जिल्ह्यातील अनेकांनी खासदार गोडसे यांच्याकडे मागणी केली होती.
आठवड्यातून तीन दिवस
येत्या २५ जानेवारीपासून नाशिक-बेळगाव विमानसेवा सुरू करण्याचा निर्णय केंद्र सरकारच्या नागरी उड्डाण मंत्रालयाने घेतला आहे. या विमानाची आसनक्षमता ५० सीटची असेल. त्यातील २५ सिटांसाठी तिकिटावर ५० टक्के अनुदान असेल. नाशिक-बेळगाव या विमानसेवेसाठी सुमारे २२०० ते २५०० रुपये तिकिट असणार आहे. आठवड्यातून तीन दिवस ही विमानसेवा उपलब्ध असणार असून, यामध्ये सोमवार, शुक्रवार आणि रविवारचा समावेश असणार आहे. विमान बेळगावहून सायंकाळी चार वाजून ४० मिनिटांनी निघेल. नाशिकला पाच वाजून ४० मिनिटांनी पोचणार आहे. नाशिक येथून सव्वासहाला सुटून बेळगावला सव्वासातला पोचणार आहे. नाशिक-बेळगाव हा प्रवास अवघ्या एक तासाचाच असणार आहे. बेळगाव येथून गोवा आणि कोल्हापूर रस्त्याने दीड ते दोन तासांचा प्रवास असणार आहे.
विकासाला मोठी चालना
विमानसेवेमुळे नाशिक येथून कोल्हापूर आणि गोवा अवघ्या अडीच ते तीन तासांचाच प्रवास असेल. विमानसेवेमुळे उद्योग, व्यवसाय आणि पर्यटनाच्या विकासाला मोठी चालना मिळणार आहे. -हेमंत गोडसे, खासदार, नाशिक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.