नाशिक : निफाडजवळ मध्य रेल्वेचा रुळाचा तुकडा पडल्याचे निर्दशनास आल्याने सतर्कतेने अपघात टळला. गेल्या पंधरवाड्यातील ही दुसरी घटना असून रेल्वे प्रशासनापुढे आव्हान आहे. रेल्वे प्रशासनाने देखरेखीकडे लक्ष देणे आवश्यक आहे.
असा आहे प्रकार
मध्य रेल्वेच्या मुंबईकडे जाणाऱ्या मार्गावर उगांव ते निफाड स्टेशन दरम्यान शुक्रवारी (ता :१३) पहाटे रेल्वे रुळाचा तुकडा झाल्याचे निदर्शनास आले. तात्काळ माहिती देण्यात आल्यानंतर या मार्गावरुन धावणारी राज्यराणी एक्सप्रेस थांबविण्यात आली. रेल्वे प्रशासनाकडुन त्वरित रुळाची दुरुस्ती देखील करण्यात आली. सद्यस्थितीत या ठिकाणाहुन संथ गतीने रेल्वे मारगावरील वाहतुक सुरु आहे. निफाड ते उगांव रेल्वे स्टेशन दरम्यान शुक्रवारी पहाटे राजाराम नामदेव घुगे, महेंद्र विष्णु कदम हे नियमित रेल्वे मार्ग तपासणी करत असतांना त्यांचे निदर्शनास 5:25 च्या सुमारास हद्दीतील पोल क्र 219/22 ते पोल क्र 219/ 24 दरम्यान अप बाजुकडील रूळाचा तुकडा दिसला. तात्काळ याबाबत सावधगिरी बाळगत वरिष्ठांना माहिती दिली. या वेळेत मुंबईकडे जात असणारी राज्यराणी एक्स्प्रेस रेल्वे मार्गावर थांबविण्यात आली, त्यामुळे मोठा अनर्थ टळला आहे.
दरम्यान अवघ्या पंधरवाड्यात याच परिसरात रेल्वे रुळ तुटण्याची ही दुसरी घटना झाली असल्याने रेल्वे प्रशासनापुढे मार्गावरील देखरेखीचे कडवे आव्हान उभे आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.