'आई तू इथंच थांब, मी आता आलो!'...म्हणून 'ते' पुन्हा बॅंकेत गेले...अन् परतताच बघता तर काय?

नाशिक : (पिंपळगाव बसवंत) बॅंकेतून काढलेले दोन लाख दहा हजार रुपये मोटार सायकलच्या डिकीत ठेवले असताना पाळत ठेवून असलेल्या एका चोरट्याने ते लंपास केले. पिंपळगाव बसवंतच्या स्टेट बॅंकेसमोर दुपारी तीनच्या सुमारास हा प्रकार घडला. 

अशी आहे घटना

वैभव प्रभाकर जाधव (रा. शिरसगाव रोड, पिंपळगाव बसवंत) निवृत्त सैनिक आहेत. निवृत्तीची रक्कम त्यांनी स्टेट बॅंकेच्या खात्यावर ठेवलेली होती. त्यातील एक लाख 80 हजार रुपये स्वत:च्या खात्यावरून, तर आई मंदाबाई जाधव यांच्या खात्यावरून 30 हजार रुपये काढले. ती रक्कम दुचाकीच्या डिकीत ठेवली. आईला दुचाकीजवळ उभे करून ते पुन्हा बॅंकेत गेले. त्याचदरम्यान मंदाबाई जाधव यांचे लक्ष विचलित होताच डिकी खोलून त्यातील दोन लाख रुपये चोरट्यांनी लांबविले. वैभव जाधव जेव्हा परतले तर बघता तर काय, डिकीतून दोन लाख दहा हजार रुपये गायब झाले होते. याबाबत श्री. जाधव यांनी दिलेल्या फिर्यादीवरून पिंपळगाव पोलिस ठाण्यात गुन्हा दाखल झाला आहे. पोलिस निरीक्षक संजय महाजन तपास करीत आहेत.  

 क्लिक करा > VIDEO : भयंकर प्रकार! निर्दयीपणे 'ते' तरुणाला भरचौकात मारत होते..अन् व्हिडीओ झाला व्हायरल.. 

 क्लिक करा > VIDEO : जावईबापू म्हणतात.."मी गाढवावरून मिरवणार..सगळ्यांचीच जिरवणार" "शंभर वर्षांची प्रथा आहे हो!"