सबस्क्राईब करा
Dhule ZP School : धुळे तालुक्यातील जिल्हा परिषदेच्या शाळांच्या एकशे तीन खोल्या मोठ्या प्रमाणात जीर्ण झाल्या आहेत. त्यांना निर्लेखित करण्याचा ठराव देखील मंजूर करण्यात आला आहे.
मात्र निर्णय होवूनही वर्गखोल्या तशाच असल्याने या वर्गखोल्या सर्वांसाठी धोकादायक ठरत आहे. त्यामुळे मंजूर वर्गखोल्या तत्काळ पाडण्याची मागणी पालकांनी केली आहे.(103 room of Zilla Parishad Schools are dangerous dhule zp school news)
तालुक्यातील जिल्हा परिषदेच्या प्राथमिक शाळेतील अनेक वर्गखोल्या जुन्या झाल्याने त्या नवीन बांधण्यास मंजूर देत वर्गखोल्या निर्लेखित करण्यात आलेल्या आहे. मात्र हा निर्णय होवून अनेक चार महिने उलटून असले तरी या वर्गखोल्या जैसे थे असून त्या आता विद्यार्थी, शिक्षक, शिक्षकेत्तर कर्मचारी यांच्यासाठी धोकादायक बनल्या आहे.
अनेकदा विद्यार्थी खेळताना नकळत वर्ग खोल्यांकडे पळतात, खेळतातही. अशा स्थितीत नकळत अपघात होण्याची शक्यता नाकारता येत नसल्याने या वर्गखोल्या अद्याप का पाडण्यात आल्या नाही असा सवाल आता पालक करीत आहे.
निर्लेखित शाळा व वर्गखोल्या
धनूर - १, महालरावट नेर १, नवलाणे - ४, सुकवड - १, कुंडाणे - ५, वरखेडे - ८, चिंचखेडे - ९, मोराणे - ५, आंबोडे - ४, आमदड - २, अंचाडे - १, अंचाडेताडे - १, काळखेडे - ५, वडजाई - २, शिरूड - २१, गरताड -१, धाडरी - १, जून्नेर - २, मळाणे - २, उभंड - ५, नंदाळे - १, हेंकळवाडी - १, पिंप्री - १, आर्वी - १, मोघण - १, सुट्रेपाडा - १, बोरविहीर - ६, रानमळा - ४, मोरदडतांडा - १, शिरडाणे प्र.डा.- ४, भिरडाणे - २ व पाडळदे - १.
दुरुस्ती सुरु असलेल्या शाळा
शिरडाणे, गोताणे, विश्वनाथ, वडगाव, पुरमेपाडा, चिंचवार, खोरदडतांडा, कुंडाणे, बाबरे, निकुंभे, काळखेडा, नांद्रे, अवधान, कुळथे, बेहेड, वरखेडी, आनंदखेडे, सायने, सरवड, कावठी, चिंचवार, पुरमेपाडा, काळखेडा आदी शाळांमध्ये इमारत दुरुस्तीची काम सुरु आहेत.
काम सुरू न झालेल्या शाळा
आर्णी, कुंडाणे, कोठारे, गोंदूर, कापडणे, वणी, कुंडाणे(वरखेडे), जापी, वडणे, सोनगीर, खंडलाय, उभंड, नेर, सुट्रेपाडा व सैताळे येथील शाळांमधील वर्गखोल्यांची कामे सुरु झालेली नाहीत.
''धनूर शाळेच्या वर्गखोल्या धोकादायक आहेत. त्या निर्लेखित झाल्या आहेत. त्यांना पाडण्यासाठी शासनाने योग्य कार्यवाही करावा. अन्यथा अपघात झाल्यास त्यास संबंधित विभाग जबाबदार राहील.''- चेतन शिंदे, सरपंच धनूर-लोणकुटे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
