Dhule Crime News : येथील ‘एलसीबी’च्या पथकाने दोन लाखांचे महागडे १५ मोबाईल चोरट्याकडून हस्तगत केले. त्याला अटक केली आहे.
शहरातील अंबिकानगरातील मोहम्मद कमरुद्दीन मोहम्मद अजीजउल्ला कुरेशी यांच्या घरातून १३ हजारांचा मोबाईल चोरीस गेला. ही घटना २५ डिसेंबरला सायंकाळी घडली. (15 mobile phones worth 2 lakh seized from accused Action of LCB dhule crime news )
या प्रकरणी चाळीसगाव रोड पोलिस ठाण्यात गुन्हा दाखल झाला. शहरात मोबाईल चोरीचे प्रमाण वाढत असल्याने पोलिस अधीक्षक श्रीकांत धिवरे व अपर पोलिस अधीक्षक किशोर काळे यांनी मोबाईल चोरीच्या सखोल तपासाची सूचना एलसीबीचे पोलिस निरीक्षक दत्तात्रय शिंदे यांना दिली.
या पार्श्वभूमीवर श्री. शिंदे यांनी विशेष मोहिमेतून कबीर युसूफ काझी (रा. चाळीसगाव रोड, गजानन कॉलनी, धुळे) याला अटक केली. त्याच्याकडून गुन्ह्यातील चोरीस गेलेला मोबाईल व इतर १५ मोबाईल जप्त केले.
श्री. शिंदे, सहाय्यक अधिकारी प्रकाश पाटील, श्याम निकम, हवालदार सुरेश भालेराव, पंकज खैरमोडे, रविकिरण राठोड, गुणवंत पाटील, सुशील शेंडे, नीलेश पोतदार, अमोल जाधव यांच्या पथकाने ही कारवाई केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
