धुळे : महाराष्ट्र विधी सेवा प्राधिकरण मुंबई यांच्या आदेशाने रविवारी (ता. २६) धुळे जिल्हा न्यायालयात झालेल्या विशेष लोकअदालतीत एकूण १९ प्रकरणे सामोपचाराने निकाली काढण्यात आली. या लोकअदालतीत वाहन अपघात प्रकरणात एकूण ३८ लाख ४४ हजार ९२६ रुपये नुकसानभरपाई तथा वसुली झाली.
धुळे जिल्हा न्यायालय विशेष लोकअदालतीचे आयोजन करण्यात आले. लोकअदालतीमध्ये मोटार अपघात, कौटुंबिक व भूसंपादनाचे न्यायालयातील प्रलंबित प्रकरणे ठेवण्यात आली. दाखल प्रकरणांपैकी एकूण ५७ प्रकरणे विशेष लोकअदालतीमध्ये ठेवण्यात आली. त्यांपैकी एकूण १९ प्रकरणे सामोपचाराने निकाली निघाली.
या लोकअदालतमध्ये ३८ लाख ४४ हजार ९२६ रुपयांची नुकसानभरपाई व वसुली झाली. जिल्हा विधी सेवा प्राधिकरणाचे अध्यक्ष तथा प्रभारी मुख्य जिल्हा व सत्र न्यायाधीश आर. एच. मोहम्मद यांच्या मार्गदर्शनाखाली ही लोकअदालत झाली.
लोकअदालतीसाठी धुळे जिल्हा वकील संघ तसेच तालुका वकील संघ, पक्षकार, पोलिस आदींनी सहकार्य केले, अशी माहिती धुळे जिल्हा विधी सेवा प्राधिकरणाचे सचिव तथा वरिष्ठ स्तर दिवाणी न्यायाधीश संदीप वि. स्वामी यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
