सबस्क्राईब करा
Dhule Crime News : शहरातील गुरुदत्त कॉलनीत अज्ञात संशयितांनी घरफोडी करून सुमारे पाच तोळे सोन्याचे दागिने, चांदीची भांडी व रोकड असा मुद्देमाल नेला. या घटनेमुळे कॉलनी परिसरात खळबळ उडाली आहे. (5 tola jewellery looted in house burglary in Shirpur dhule crime news)
शिरपूर पंचायत समितीचे माजी बीडीओ हरिभाऊ दोरीक यांच्या घरात श्याम मुरलीधर पारीख (वय ६१) पत्नी सुनीतासह भाडेतत्त्वावर राहतात. ते पत्नीसह ५ जुलैला गुजरातमध्ये अंकलेश्वर येथे मुलगी पारुल शहा हिच्याकडे गेले होते. त्यांचे घर बंद असल्याची संधी साधून चोरट्यांनी घराच्या दाराला लावलेले कुलूप कापले व गोदरेज कपाटाचे लॉक तोडले. कपाटात ठेवलेले दागिने, भांडी व रोकड घेऊन चोरट्यांनी पोबारा केला.
पारीख ९ जुलैला घरी परतल्यावर घरफोडीचा प्रकार उघडकीस आला. पोलिसांना माहिती देण्यात आली. पोलिसांनी श्वानपथक मागविले.
हेही वाचा : Credit Card फसवणूक....काय घ्याल काळजी?
काही अंतरापर्यंत श्वानाने दिशा दाखविली. मात्र पाऊस झाल्याने चोरट्यांचा माग काढता आला नाही.
या घरफोडीत चोरट्यांनी २२ ग्रॅम सोन्याची मंगलपोत, २५ ग्रॅम सोन्याच्या पाच अंगठ्या, चांदीच्या दोन वाट्या, दोन चांदीचे मोठे व दोन लहान ग्लास, चांदीची समई, डिजिटल कॅमेरा, व्हिडिओ कॅमेरा आणि दहा हजार रुपये रोख असा मुद्देमाल चोरून नेला.
या घरफोडीमुळे कॉलनी परिसरात नागरिकांमध्ये घबराट पसरली असून, पोलिसांनी चोरट्यांचा तातडीने छडा लावून बंदोबस्त करावा, अशी मागणी करण्यात येत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
