Nandurbar | कोरोनातील मृत कर्मचाऱ्यांच्या वारसांना ५० लाख

नवापूर (जि. नंदुरबार) : कोरोनात (Corona) नवापूर पालिकेचे कर्मचारी मनोज कांतिलाल पाटील, राजेंद्र रामदास चव्हाण यांचा शासकीय कर्तव्य पार पाडत असताना मृत्यृ झाला होता. कोरोना शासन निर्णया नुसार कर्मचाऱ्यांच्या वारसांना प्रत्येकी पन्नास लाखाचा धनादेश शुक्रवारी (ता.२२) नगराध्यक्षा हेमलता पाटील यांच्या दालनात आमदार शिरीषकुमार नाईक यांच्या हस्ते योगिता मनोज पाटील, मंगला राजेंद्र चव्हाण यांना देण्यात आला

शासन निर्णयानुसार कर्मचाऱ्यांच्या वारसाना प्रत्येकी पन्नास लाखाचा सानुग्रह अनुदान मंजुरीसाठी प्रस्ताव सादर केलेला होता. मंजुर अनुदान नवापूर नगरपालिकेकडे वर्ग केला होता. यावेळी उपनगराध्यक्ष आयुब बलेसरीया, नगरसेवक आरीफ बलेसरीया, हारुन खाटीक, विश्वास बडोगे, विशाल सांगळे, अरुणा पाटील, मंगला सैन, हसमुख पाटील आदी उपस्थित होते. दरम्यान, वसंतदादा शुगर इन्स्टिटयूट निवडणुकीत नियामक मंडळावर आमदार शिरीषकुमार नाईक यांची निवड झाल्याने नवापूर नगरपालिकेचा नगराध्यक्षा हेमलता पाटील, उपनगराध्यक्ष आयुब बलेसरीया व नगरसेवक यांनी सत्कार केला.