Dhule Crime News : खर्दे बुद्रुक (ता. शिरपूर) येथे शनिवारी (ता. ११) मध्यरात्री धाडसी घरफोडी करून चोरट्यांनी सोन्या-चांदीचे दागिने व रोकड मिळून सुमारे नऊ लाखांचा ऐवज नेला. ऐन दिवाळीच्या सणाला चोरटे सक्रिय झाल्याने ग्रामीण भागात दहशत पसरली आहे.
मगन बाबूलाल गुजर यांच्याकडे ही घरफोडी झाली. (9 lakhs stolen of house burglary in village dhule crime news )
ते सहकुटुंब घरात झोपले होते. घराचा मागील दरवाजा उघडून चोरांनी आत प्रवेश केला. गुजर यांच्या घरातील स्वयंपाकघराच्या शेजारी असलेल्या खोलीतील कपाट फोडून चोरट्यांनी १४ तोळे सोन्याचे दागिने, ९० हजार रुपये रोख आणि अर्धा किलो चांदी असा सुमारे नऊ लाख रुपये किमतीचा मुद्देमाल लंपास केला.
श्री. गुजर यांचे पुतणे ॲड. दिनेश गुजर यांनी पोलिसांना घटनेची माहिती दिली. शहर पोलिस ठाण्याचे अधिकारी घटनास्थळी पोचले. शहर पोलिसांनी अज्ञात संशयितांविरोधात गुन्हा दाखल केला.
देवघरातही प्रयत्न
चोरट्यांनी गुजर यांच्या घरातील देवघरही सोडले नाही. देव्हाऱ्याच्या कप्प्यांचीही चोरट्यांनी कसून तपासणी करीत तेथील साहित्य अस्ताव्यस्त केले.
दुचाकीही लंपास
दरम्यान, शनिवारी रात्रीच चोरट्यांनी खर्दे गावातील पत्रकार मुकेश शेवाळे यांच्या मालकीची होंडा शाइन दुचाकी (एमएच १८, बीबी ३९६९) नेली. शेवाळे यांनी अंगणात दुचाकी लावली होती. ती चोरीस गेल्याचे सकाळी निदर्शनास आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
