हिंगोलीमध्ये भीषण अपघातात कुटुंबातील तिघांचा दुर्दैवी मृत्यू झाला आहे. आई-वडिलांना दुचाकीवरुन रुग्णालयात घेऊन जात असताना झालेल्या अपघातात मुलगा, आई-वडील असा तिघांचा मृत्यू झाल्याची माहिती समोर आली आहे. हिंगोलीच्या डिग्रस वाणी गावातील तिघांच्या मृत्यूने जिल्ह्यावर शोककळा पसरली आहे.
या अपघातामध्ये कुंडलिक जाधव, कलावती जाधव व मुलगा आकाश जाधव अशी मृतांची नावे आहेत. आकाश जाधव बुधवारी रात्री आपल्या वयोवृद्ध आई-वडिलांची तब्येत बिघडल्याने त्यांना रुग्णालयात घेऊन जात होता. मात्र रुग्णालयात पोहोचण्याआधीच दुचाकीचा अपघात झाला. रात्रीच्यावेळी अपघात झाल्याने घटना उघडकीस आली नाही. सकाळी अपघाताची माहिती समोर आली आहे.
रस्त्यावरून जात असताना दुचाकी एका वळणावरून रस्त्याच्या शेजारील नाल्यात कोसळली. दुचाकीसह तिघेही नाल्यामध्ये पडले. या रस्त्यावरून रहदारी नसल्याने अपघाताची माहिती कुणालाही मिळाली नाही. त्यामुळे तिघांनाही रात्रभर मदत मिळाली नाही.
आज (गुरुवारी) सकाळी दूध विक्रेते या रस्त्यावरून जात असताना हा अपघात झाल्याचे त्यांच्या लक्षात आले. त्यांनी तातडीने या घटनेची माहिती ग्रामस्थांसह पोलिसांना दिली. पोलीस घटनास्थळी दाखल झाले, मात्र तोपर्यंत उशीर झाला होता. तिघांचाही या अपघातात मृत्यू झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
