शौचालयाकडून दोघी घराकडे जाताना...'त्याने' दोघींचा रस्ता अडवला...कोणी आजूबाजूस नसताना...

नाशिक : निफाड तालुक्‍यातील पालखेड येथील सोळावर्षीय अल्पवयीन युवतीचा विनयभंग करीत लैंगिक छळ केल्याची घटना घडली होती. दिवसेंदिवस घडणाऱ्या महिलांवरील अत्याचाराच्या घटना कमी होण्यासाठी पोलिसांकडून शाळा, महाविद्यालयांमधून बाल लैंगिक अत्याचार आणि महिला अत्याचारांबाबत शिक्षकांमध्ये आणि विद्यार्थ्यांमध्ये जनजागृती केली जात आहे. तरीदेखील वारंवार अशा घटना घडत असल्याने ही गंभीर बाबच म्हणावी लागेल.

झाले असे की...
3 मे 2013 मध्ये पीडित युवती तिच्या लहान बहिणीसह शौचालयाकडून रस्त्याने घरी जाताना आरोपीने लज्जास्पद भाषा वापरून, वर्तन करून घरातील सर्वांना ठार मारण्याची धमकी दिली होती. पोलिस उपनिरीक्षक एम. बी. जोगन यांनी अटक व तपास करून आरोपीविरुद्ध निफाड न्यायालयात खटला दाखल केला होता. खटल्याच्या कामकाजात सरकार पक्षातर्फे एकूण सात साक्षीदारांची साक्ष सहाय्यक जिल्हा सरकारी वकील ऍड. रमेश कापसे यांनी नोंदविली. जिल्हा सत्र न्यायाधीश आर. जी. वाघमारे यांनी आरोपीस शिक्षा ठोठावली. 

ही झाली आरोपीस शिक्षा..
या आरोपावरून भारत भीमा कडाळे (वय 27, रा. पालखेड) यास तीन वर्षे सश्रम कारावासाची शिक्षा, तसेच अकरा हजार रुपये दंडाची शिक्षा निफाडचे जिल्हा व सत्र न्यायाधीश आर. जी. वाघमारे यांनी सुनावली. अकरा हजार रुपये दंडापैकी एक हजार रुपये शासन जमा, तर दहा हजार रुपयांची दंडाची रक्कम नुकसानीदाखल पीडितेस देण्याचे आदेश दिले आहेत. 

हेही वाचा > रात्रीचा 'तिचा' प्रवास...उद्यानात दारूच्या पार्ट्या रंगताना 'ते' तिला बघतात..अन् मग...

हे माहित आहे का तुम्हाला?
एखाद्या महिलेचा विनयभंग करण्याच्या हेतूने तिच्याकडे पाहणे, बोलणे, शब्द उच्चारणे किंवा कृती करणे, एखादी वस्तू, गोष्ट दाखवणे, ती पाहण्यासाठी तिचे लक्ष वेधून घेणे किंवा तिच्या खाजागीपानाच्या अधिकाराचं उल्लंघन होईल असे वर्तन. या अपराधासाठी १ वर्ष सजा, दंड किंवा दोन्ही अशी शिक्षा होऊ शकते.

हेही वाचा > संशयिताला पकडताना झाली झटापट...त्यात वरिष्ठ पोलिस निरीक्षकाचेच मात्र....