धुळे : शिरपूरकडून धुळ्याकडे होणारी गांजाची तस्करी स्थानिक गुन्हा अन्वेषण शाखेच्या पथकाने रोखली. यात मुंबई-आग्रा महामार्गावर सोनगीरजवळ ढाब्यासमोर कारमधून १४ किलो ३७५ ग्रॅम असा सव्वालाख रुपये किमतीचा गांजा पकडला. या प्रकरणी संशयिताविरुद्ध गुन्हा दाखल झाला असून, त्याला अटक करण्यात आली.
पोलिसपथकाने गांजासह चार लाखांची कार असा सव्वापाच लाखांचा मुद्देमाल जप्त केला. मुंबई-आग्रा महामार्गावरून गांजाची तस्करी होणार असल्याची माहिती स्थानिक गुन्हा अन्वेषण शाखेचे पोलिस निरिक्षक हेमंत पाटील यांना मिळाली. (Arrested in Ganja Trafficking Property Rs 55 lakh seized along car Dhule News)
याआधारे हॉटेल राजस्थानी ढाब्यासमोर पोलिसपथकाने नाकाबंदी केली. त्या वेळी शिरपूरकडून धुळ्याकडे येणारी कार (एमएच १६, सीक्यू ३६६३) थांबवून तिची झडती घेतली. त्यात गांजा सापडला.
या प्रकरणी हवालदार मयूर पाटील यांनी सोनगीर पोलिस ठाण्यात फिर्याद दिली. त्यानुसार आनंदा गणेश आरडे (वय २७, रा. बोरडगाव रोड, नगर) याच्याविरुद्ध गुन्हा दाखल झाला. सहाय्यक पोलिस निरीक्षक चंद्रकांत पाटील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
