धुळे : एकदा हातात सत्ता आली, की कसली जनता आणि कसले मतदार, बघू या निवडणुकीतच! असा सत्ताधाऱ्यांचा रुबाब असतो. याचे दर्शन शिंदखेडा तालुक्यातील नागरिकांना जाणवू लागले आहे. सत्तांतर झाल्यावर समस्या संपल्या तर नाहीच मात्र त्या अधिकच वाढल्या आहेत. तावखेडा येथे येण्यासाठी वर्शी, दभाषी, सुकवद, निरगुडी असे चार रस्ते पण त्यात एकही रस्ता खड्ड्यांविना नाही. त्यातही निरगुडी रस्त्याची अवस्था अत्यंत खराब झालेली आहे.
तावखेडा गावचा काय रस्ता, काय खड्डे, काय तो चिखल असेच म्हणण्याची वेळ आली आहे. कोणत्याही भागात गेल्यास खड्ड्यांचेच रस्ते आहेत. खड्डे बुजविण्याबाबत अनेक वेळा ग्रामस्थांनी केल्या आहेत. मात्र निधीबाबत लोकप्रतिनिधींकडून सबब दिली जात आहे. त्यामुळे निधी कधी मिळणार आणि काम कधी सुरू होणार, या प्रश्‍नातच ग्रामस्थ त्रस्त आहे. नागरिकांना शेतात किंवा बाहेर गावी जाण्यासाठी कसरत करावी लागत असल्याचे चित्र आहे. त्यामुळे लवकरात लवकर या रस्त्यांचा प्रश्‍न सुटावा आणि ग्रामस्थांना किमान प्रवास करण्याइतपत रस्ता मिळावा अशी मागणी होताना दिसत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
