Dhule News : तालुक्यातील चिंचवार ते सैताळे रस्ताकामाचे आमदार कुणाल पाटील यांच्या हस्ते भूमिपूजन झाले.
आमदार पाटील यांच्या प्रयत्नाने या रस्ताकामासाठी एक कोटी ९१ लाख रुपये निधी मंजूर झाला. (Bhoomipujan of Chinchwar Saitale road dhule news)
चिंचवार ते सैताळे रस्त्याचे काम करण्यात यावे, अशी मागणी येथील ग्रामस्थांनी केली होती. त्यानुसार या रस्त्याच्या कामासाठी आमदार पाटील यांनी शासनाकडून एक कोटी ९१ लाख रुपये निधी मंजूर करून आणला.
त्यासाठी त्यांनी शासनाकडे पाठपुरावा केला. मुख्यमंत्री ग्रामसडक योजना टप्पा-२ अंतर्गत या रस्त्याचे काम होत आहे.
या निधीतून सैताळे-चिंचवार रस्त्याचे डांबरीकरण होणार असून, आवश्यक ठिकाणी पाइप मोऱ्यांचे बांधकाम केले जाणार आहे.
रस्त्याच्या कामामुळे सैताळे, चिंचवारसह परिसरातील रहिवासी, शेतकरी, वाहनधारकांची गैरसोय दूर होणार आहे. १५ जानेवारीला आमदार पाटील यांच्या हस्ते रस्ताकामाचे भूमिपूजन करण्यात आले.
या वेळी बाजार समितीचे संचालक एन. डी. पाटील, कृषिभूषण भिका पाटील, सैताळेचे सरपंच गिरधर मोरे, माजी सरपंच सुनील पाटील, चिंचवारचे माजी सरपंच सोमनाथ पाटील, रवी मराठे, लाकमानीचे उपसरपंच बाजीराव महाले.
सैताळेचे पोलिसपाटील त्र्यंबक पाटील, जिभाऊ सखाराम पाटील, दिलीपसिंग गिरासे, माजी सरपंच भटू पाटील, भटू गिरासे, उपअभियंता व्ही. एम. पाटील, सहाय्यक अभियंता सूर्यवंशी, प्रदीप पाटील, पंडित पाटील.
प्रशांत पाकळे यांच्यासह सैताळे, चिंचवार, लामकानी, वडणे, निकुंभे, शिरधाणे प्र. नेर येथील पदाधिकारी, कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
