Dhule Bribe Crime : कौटुंबिक शेतजमीन वाटणीच्या कामासंदर्भात तक्रारदाराकडून सात हजारांची लाच स्वीकारताना निजामपूर येथील मंडळ अधिकारी विजय वामन बावा यास बुधवारी (ता. २१) लाचलुचपत प्रतिबंधक विभागाने ताब्यात घेतले.
ही लाच भामेर (ता. साक्री) येथील तक्रारदाराच्या राहत्या घरीच स्वीकारताना विजय बावा यास अटक करण्यात आली आहे. रात्री उशिरापर्यंत गुन्हा दाखल करण्याचे काम सुरू होते. (Board officer bava detained while accepting bribe of 7 thousand dhule bribe crime news)
भामेर येथील गट नंबर ४३ व ४४ या शेतजमिनीच्या कौटुंबिक वाटणीच्या कामासाठी निजामपूर मंडळ अधिकारी विजय बाबा यांनी तक्रारदाराकडे १८ हजारांच्या लाचेची मागणी केली होती.
यात तडजोडीअंती १५ हजार रुपये सांगून त्यापैकी आधी आठ हजार रुपये घेतले होते. उर्वरित सात हजार रुपयांची पंचासमक्ष मागणी करून भामेर येथील तक्रारदाराच्या राहत्या घरी स्वीकारताना मंडळ अधिकारी विजय बाबा यास पथकाने पकडले.
हेही वाचा : Credit Card फसवणूक....काय घ्याल काळजी?
ही कारवाई लाचलुचपत प्रतिबंधक विभागाचे धुळ्याचे पोलिस उपअधीक्षक अभिषेक पाटील यांच्या मार्गदर्शनाखाली पोलिस निरीक्षक प्रकाश झोडगे, मंजितसिंग चव्हाण यांच्यासह पथकातील राजन कदम, शरद काटके, भूषण खलाणेकर, संतोष पावरा, भूषण शेटे, रामदास बारेला,
प्रशांत बागूल, मकरंद पाटील, प्रवीण पाटील, गायत्री पाटील, रोहिणी पवार, वनश्री बोरसे, सुधीर मोरे, जगदीश बडगुजर आदींच्या पथकाने केली. कारवाईसाठी लाचलुचपत प्रतिबंधक विभागाच्या नाशिक परीक्षेत्र पोलिस अधीक्षिका शर्मिष्ठा वालावलकर, अपर पोलिस अधीक्षक माधव रेड्डी, उपअधीक्षक नरेंद्र पवार आदींचे मार्गदर्शन लाभले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
