Dhule Accident News : शहरातील देवपूर परिसरात सातपुडा हायस्कूलसमोर उड्डाणपुलावर सोमवारी (ता. १०) विचित्र अपघात झाला. भरधाव कंटेनरचे अचानक चाक निखळून दुभाजक ओलांडून दुचाकीला धडकले.
त्यात दुचाकीवरील मुलगा ठार झाला. तसेच आई-वडील गंभीर जखमी झाले. शादबा एजाजमुसा बागवान असे मृत मुलाचे नाव आहे. (Boy killed after hitting bike dhule accident news)
या घटनेत एजाज मुसा बागवान (वय ५३) व रिजावानबी ऐजाजमुसा बागवान (रा. घर क्र. १७ डी, बंधेवास सोसायटी, मिलीतनगरजवळ, देवपूर) जखमी झाले. फळविक्रेते एजाज बागवान पत्नी रिजावानबी व मुलगा शादबा यांच्यासह सोमवारी रात्री सव्वाआठनंतर दुचाकीने जात होते.
यादरम्यान देवपूरमधील नगावबारी शिवारातील सातपुडा हायस्कूलसमोरील उड्डाणपुलावर दुसऱ्या बाजूने भरधाव कंटेनर (एचआर ३९, ई ७१७४)चे एक चाक निखळले.
हेही वाचा : Credit Card फसवणूक....काय घ्याल काळजी?
ते दुभाजक ओलांडून थेट बागवान यांच्या दुचाकीला धडकून अपघात झाला. त्यामुळे दुचाकीवरील तिघे खाली पडून जबर जखमी झाले. त्यांना नागरिकांनी तत्काळ रुग्णालयात दाखल केले.
उपचार सुरू असताना शादबा बागवान याचा मृत्यू झाला. इतर दोघांवर उपचार सुरू आहेत. याबाबत जखमी एजाजमुसा बागवान यांनी दिलेल्या फिर्यादीवरून मंगळवारी (ता. ११) कंटेनरचालकावर पश्चिम देवपूर पोलिस ठाण्यात गुन्हा दाखल झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
