पिंपळनेर : येथील सटाणा रोडवरील हॉटेल सूर्यासमोर मोकळ्या मैदानात एका कारमध्ये तुषार माधव आखाडे (३८) रा. पिंपळनेर या तरुणाचा मृतदेह आढळून आल्याने खळबळ उडाली आहे. याप्रकरणी पिंपळगाव पोलिसात अकस्मात मृत्यूची नोंद करण्यात आली आहे. तुषार माधव आखाडे ( रा. पिंपळनेर) हा युवक रोजगारानिमित्त कुटुंबासह नाशिक येथे स्थायिक झाला होता. तो पिंपळनेर येथे आई, वडिलांसह भाऊ प्रशांतला भेटण्यासाठी रविवारी (ता.६ ) सायंकाळी ६.३० वाजता येथील जेबापूर रस्त्यावरील इंदाई वसाहतीत आला होता. (body of young man was found in car on Satana road Sudden death was reported in Pimpalner police )
तुषार एक दिवस मुक्कामी राहिला. त्यानंतर मंगळवारी (ता.८) सकाळी ७ वाजता आई-वडील व भावास नाशिक येथे घरी जात असल्याचे सांगून तो स्वत:च्या कार (एमएच ०४/ एचएफ ४७६९) ने निघाला होता. बुधवारी (ता.९) सकाळी ८.३० वाजेच्या सुमारास प्रशांत आखाडे हा संभाजीनगर येथे बसने जात असताना तो साक्रीपर्यंत पोहोचल्यावर त्याला शालक विनोद माणिक मोरे यांनी मोबाईलवर संपर्क साधून मोठा भाऊ तुषार आखाडे हा हॉटेल सूर्यासमोर कारमध्ये बेशुद्ध अवस्थेत असल्याचे सांगितले. त्यामुळे प्रशांत आखाडे तत्काळ घटनास्थळाकडे रवाना झाला.
पिंपळनेर- सटाणा रस्त्यावरील हॉटेल सूर्यासमोरील मोकळ्या जागेत कारमधील मागील सीटवर तुषार आखाडे हा बेशुद्ध अवस्थेत आढळून आला. तुषारला उठवण्याचा प्रयत्न केला असता त्याने प्रतिसाद दिला नाही. तुषारला ग्रामस्थांच्या मदतीने खासगी वाहनाने ग्रामीण रुग्णालयात दाखल केले असता डॉ. जोशी यांनी तपासून मृत घोषित केले. पिंपळनेर पोलिस ठाण्यात प्रशांत आखाडे यांनी दिलेल्या फिर्यादीवरून अकस्मात मृत्यूची नोंद करण्यात आली आहे. पुढील तपास पोलिस उपनिरीक्षक शिरसाट हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
