Dhule News : मुस्लीमधर्मियांचा ईद सण सहा दिवसांवर आला तरी बाजारात बोकडांची अपेक्षित प्रमाणात खरेदी-विक्री झालेली नाही. धुळे बाजार समितीच्या आवारात मंगळवारी आठवडे बाजार असूनही बोकड्यांची खरेदी-विक्री झाली नाही. बाजारात आलेल्या वैशिष्ट्यपूर्ण बोकडांची किंमत ११ हजारांपासून ५० हजारापर्यंत होती. अपेक्षित रक्कम मिळत नसल्याने अनेकांनी बोकड माघारी नेणे पसंत केले. ( Buck withdraws from sale market after not getting expected amount )
शहराची लोकसंख्या पाच लाखावर आहे. त्यात सुमारे २० टक्क्यांवर मुस्लीमधर्मिय आहेत. मुस्लीम धर्मियांसाठी बकरी ईद हा सण महत्त्वाचा असतो. बोकडबळी देऊन ईदनिमित्त मुस्लीमबांधव पुण्याचा संचय करतात. ईदच्या पार्श्वभूमीवर बाजार समितीत मंगळवारी भरविण्यात आलेल्या आठवडा बाजारात अनेकांनी बोकड विक्रीस आणले होते. परंतु, खरेदीदारांनी फारसा प्रतिसाद दिला नाही. विविध वैशिष्टये असलेल्या बोकडांची किंमत ११ हजारापासून ५० हजारापर्यंत होती. (latest marathi news)
उलाढाल मंदावली
स्थानिक शेतकऱ्यांबरोबरच बाहेरून आलेल्या व्यापाऱ्यांनी मोठ्या प्रमाणात बोकड विक्रीस आणले होते. अपेक्षित किंमत मिळत नसल्याने बोकड परत नेण्याचा निर्णय त्यांनी घेतला. बकरी ईदच्या पार्श्वभूमीवर भरविण्यात आलेल्या आठवडे बाजारात लाखोंची उलाढाल होईल, असा अंदाज होता. तो फोल ठरला आहे.
त्यास वाढलेली महागाई हे मुख्य कारण असल्याचे सांगण्यात आले. शिवाय शैक्षणिक वर्षाला सुरूवात होत असताना बकरी ईद सण आला. मुलांसाठी शैक्षणिक खर्च करावा लागल्याने अनेकांनी बोकड बळी देण्यासाठी बाजारात बोकडांची खरेदी केली नाही, असेही सांगण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
