![Vishal Narwade](http://media.assettype.com/esakal%2F2024-07%2F958850e3-8e5f-49d6-903e-d4de1fc88d9c%2Fdjhule%20%20News.jpg?rect=0%2C0%2C1200%2C675&w=480&auto=format%2Ccompress&fit=max)
Dhule News : येथील जिल्हाधिकारी अभिनव गोयल रजेवर असल्याने त्यांच्या पदाचा कार्यभार जिल्हा परिषदेचे मुख्य कार्यकारी अधिकारी विशाल नरवाडे यांच्याकडे सुपूर्द करण्यात आला आहे. विशाल सविता तेजराव नरवाडे २०२० च्या बॅचचे भारतीय प्रशासकीय सेवेतील राजपत्रित सनदी अधिकारी आहेत. (Dhule CEO Narwade has charge of Collectorate)
नियमित जिल्हाधिकारी गोयल एक आठवडा रजेवर असल्याने जिल्हाधिकारीपदाचा कार्यभार जिल्ह्यातील दुसऱ्या वरिष्ठ आयएएस अधिकाऱ्याकडे दिला जातो आणि त्यानुसार हा कार्यभार श्री. नरवाडे यांच्याकडे देण्यात आला.
यापूर्वी श्री. नरवाडे यांची बुलडाणा जिल्हा परिषदेत मुख्य कार्यकारी अधिकारीपदावर नियुक्ती करण्यात आली होती. सहाय्यक जिल्हाधिकारी तथा प्रकल्प अधिकारी म्हणून त्यांनी नाशिक जिल्ह्यातील कळवण येथे एकात्मिक आदिवासी विकास प्रकल्पात काम केले. (latest marathi news)
त्यांनी २०२२ मध्ये केंद्र सरकारच्या ग्रामीण विकास मंत्रालयात सहाय्यक सचिव म्हणून पद भूषविले असून, त्यांनी एक वर्षाचे त्यांचे जिल्हा प्रशिक्षण सांगली येथे केले आहे.
भारतीय प्रशासकीय सेवेत रुजू होण्यापूर्वी श्री. नरवाडे २०१६ ते २०२० अशी चार वर्षे भारतीय पोलिस सेवेत होते. श्री नरवाडे मूळचे बुलडाणा जिल्ह्यातील रहिवासी आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.