दोंडाईचा ः वनरक्षकाकडून जबरी चोरी करणाऱ्या चार चोरट्यांना पोलिसांनी अटक केली आहे. त्यांच्याकडून एक लाख वीस हजार रुपये, जबरी चोरी करतेवेळी वापरलेली मारुती इको गाडी जप्त करण्यात आली आहे. अधिकार बापू पदमोर हे तोरणमाळ शहादा दोंडाईचा रस्त्याने हट्टी (ता. साक्री) येथे घरी जात होते. दोंडाईचा- मालपूर रस्त्यावर रात्री अकराच्या सुमारास मोटारसायकल थांबून मारुती गाडीतील चार जणांनी लाकडी दांड्याने त्यांना मारहाण केली. (Burglars jailed for forcible theft in Dondaicha )
पदमोर यांच्या कडील रोख रक्कमेची एक लाख २० हजारांची बॅग बळजबरीने चोरून नेली होती. २६ सप्टेंबरला गुन्हा दाखल झाला होता. पोलिस अधीक्षक श्रीकांत धिवरे, अपर पोलिस अधीक्षक किशोर काळे, शिरपूर उपविभागीय पोलिस अधिकारी भागवत सोनवणे यांच्या मार्गदर्शनाखाली पोलिस निरीक्षक किशोरकुमार परदेशी यांनी तांत्रिक बाबींचा आधार घेत छडा लावला. छत्रपती संभाजीनगर येथे आरोपी अभिषेक मोरे (जि. हिंगोली) त्याच्यासोबत असलेले अमिद शेरखान पठाण (संगमनेर), विशाल भगवान कानकाटे (जि. अहमदनगर), ओमकार रामदास कदम (जि. नाशिक) यांनी चोरी केल्याची कबुली दिली. पोलिस उपनिरीक्षक हेमंत राऊत, हवालदार हिरालाल सूर्यवंशी, प्रवीण निंबाळे, शुभम चित्ते या पथकाने कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
