![Crime News](http://media.assettype.com/esakal%2F2024-04%2Fb5c01386-5c45-417e-8625-b2f99e340a63%2FUttar_Maharashtra_News__2_.jpg?rect=0%2C0%2C1200%2C675&w=480&auto=format%2Ccompress&fit=max)
कळंबू : गेल्या काही महिन्यांपासून सारंगखेडा आठवडे बाजारात चोरांचा सुळसुळाट थांबला होता. मात्र, पुन्हा बाजारात मोबाईल चोरांनी उच्छाद घातला आहे. रविवारी (ता.७) आठवडे बाजारात आलेल्या ग्राहकांचे एकाच दिवशी पाच ते सहा नामांकित कंपनीचे मोबाईल चोरट्यांनी लंपास केले. त्यामुळे नागरीकांमध्ये कमालीची दहशत पसरली आहे. (Dhule Crime Sarangkheda thieves marathi news)
सारंगखेडा (ता. शहादा) येथे दर रविवारी मोठा आठवडे बाजार भरतो. येथील बाजाराला दूरवरून व्यावसायिक व खेड्यावरील नागरिक येतात. मात्र, येथील बाजारात गेल्या काही दिवसांपासून मोबाईल चोरट्यांनी उच्छाद घातल्याने ग्राहक धास्तावले आहेत. वर्षभरापूर्वी मोबाईल चोरीच्या घटनांना आळा बसला होता.
मात्र, रविवारच्या बाजारात चोरट्यांनी तब्बल पाच ते सहा ग्राहकांचे मोबाईल हडप केल्याने नागरीक धास्तावले आहेत. बाजारात मोबाईल चोरीची दिवसभर चर्चा सुरू होती. गेल्यावर्षी दर बाजारच्या दिवशी मोबाईल चोरीच्या घटना घडत होत्या. मात्र, मध्यंतरी काही महिन्यांच्या ब्रेकनंतर पुन्हा मोबाईल चोरणारी टोळी सक्रीय झाली आहे. (latest marathi news)
त्यामुळे सारंगखेडा आठवडे बाजार चोरट्यांसाठी रविवारचा आठवडे बाजार गोल्डन चान्स ठरत आहे. पोलिसांनी आठवडे बाजाराच्या दिवशी ठिकठिकाणी करडी नजर ठेवावी, अशी मागणी ग्राहक व व्यावसायिकांकडून करण्यात येत आहे.
तपास कागदावरच
सारंगखेडा पोलिस ठाण्याच्या हद्दीत दुचाकी चोरी, पुसनद घरफोडी, सारंगखेडा वडाळी सराफ दुकानातील चोरी, शेती उपयुक्त साहित्याची चोरी अशा अनेक घटना घडल्या आहेत. मात्र, या घटनांचा तपास अद्यापही कागदावरच असल्याने आश्चर्य व्यक्त केले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.