धुळे : शुद्ध आश्विन एकादशी निमित्त शहरात श्री बालाजी भगवान रथोत्सवाच्या पार्श्वभूमीवर रथ उत्सव मार्गांची महापौर प्रदीप कर्पे यांनी अधिकाऱ्यांसह पाहणी केली. खड्डे बुजविण्यासह आवश्यक कामांबाबत अधिकाऱ्यांना निर्देश दिले. (dhule municipal corporation preparation for Balaji Rathotsava dhule latest news)
धुळे शहरात सुमारे १२५ वर्षापासून श्री बालाजी भगवान रथोत्सवाची परंपरा आहे. हा रथोत्सवाच्या दर्शनासाठी पंचक्रोशीतून भाविक शहरात येतात. या पार्श्वभूमीवर रथोत्सवाच्या काळात कोणत्याही अडचणी निर्माण होऊ नये यासाठी रथाच्या मार्गांची पाहणी महापौर श्री. कर्पे यांनी केली.
रथोत्सव मार्गावरील खड्डे बुजविणे, विद्युत व्यवस्था, आवश्यक त्या ठिकाणी प्रखर झोताचे विद्युत दिवे लावणे, मार्गावरील व चौकातील सार्वजनिक स्वच्छता, मार्गावरील वृक्षांचा विस्तार कमी करणे, वैद्यकीय पथक, पिण्याच्या पाण्याची व्यवस्था आदी विविध कामांबाबत त्यांनी संबंधित विभागाच्या अधिकाऱ्यांना निर्देश दिले.
नगरसेवक हिरामण गवळी, भिकन वराडे, संजय वराडे, अभियंता कैलास शिंदे, कनिष्ठ अभियंता चंद्रकांत उगले, वृक्ष अधिकारी रवीकिरण पाटकरी, अग्निशमन विभाग, विद्युत विभागाचे कर्मचारी, बालाजी रथ उत्सव समितीचे पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
