धुळे : शहरातील मोकाट कुत्र्यांच्या निर्बिजीकरणासाठी तीन जागांची पाहणी करण्यात आली. यात महापालिकेने दोन जागा दाखविल्या तर कंत्राटदार संस्थेने एका खासगी जागेची पाहणी केली आहे. या तीन जागांपैकी एक जागा एक-दोन दिवसात अंतिम होणार आहे.
शहरातील मोकाट कुत्र्यांच्या निर्बिजीकरणासाठी महापालिकेने जयपूर येथील संतुलन जीवकल्याण संस्थेला काम दिले आहे. संस्थेला महापालिकेने कार्यादेश दिल्यानंतर करारनाम्याची प्रक्रिया झाली. दरम्यान, आता कुत्र्यांच्या निर्बिजीकरणासाठी जागा निश्‍चितीचे काम सुरु आहे.
यासाठी महापालिकेतर्फे आरोग्य विभागाचे कार्यालय अधीक्षक राजेंद्र माईणकर यांनी संतुलन जीवकल्याण संस्थेचे धीरज नेहरा यांना महापालिकेच्या दोन जागा दाखविल्या. स्वच्छता निरिक्षक विकास साळवे, महेंद्र ठाकरे, गजानन चौधरी, विजय गोसावी आदी उपस्थित होते. महापालिकेतर्फे डेडरगाव येथील पाण्याच्या टाकीजवळ तसेच, वरखेडी रोडवरील एफएसटीपी जवळील परीसरातील जागा दाखविल्या.
या ठिकाणी मनपा मालकीची रूम उपलब्ध आहे. दरम्यान, महापालिकेने दाखविलेल्या दोन जागांव्यतिरिक्त कंत्राटदार संस्थेने आपल्या स्तरावर एका खासगी जागेचीही पाहणी केली आहे. पाहणी केलेल्या तीनपैकी एक जागा येत्या एक-दोन दिवसात कंत्राटदार संस्थेकडून अंतिम होऊन लवकरात लवकर प्रत्यक्ष काम सुरु होईल अशी अपेक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
