चिमठाणे : जखाणे (ता. शिंदखेडा) येथील तरुण शेतकऱ्याने सततच्या नापिकीमुळे कर्जाचा डोंगर व त्यात राष्ट्रीयीकृत बँकेचे पीक कर्ज व सावकारी कर्ज वाढल्याने गळफास घेऊन शुक्रवारी (ता.२३) दुपारी आत्महत्या केली.
नारायणसिंह लोटनसिंह गिरासे (वय ४०) असे या तरुण शेतकऱ्याचे नाव आहे. नारायणसिंह गिरासे आई, पत्नी व मुलांसह राहत होते. त्यांची पत्नी शेतात गेली होती व मुलगा कुणाल परीक्षेसाठी महाविद्यालयात व मुलगीही महाविद्यालयात गेली होती.
मुलगी शिंदखेडा महाविद्यालयातून घरी आल्यावर नारायणसिंह (वडील) गळफास घेतलेल्या अवस्थेत आढळून आले. मुलीने आरडाओरड केल्याने ग्रामस्थांनी घटनास्थळी धाव घेतली. याबाबत पोलिसपाटील ज्योती आव्हाड यांनी चिमठाणे पोलिसांत माहिती दिली. पोलिसांनी घटनेचा पंचनामा करून मृतदेह विच्छेदनासाठी शिंदखेडा येथील ग्रामीण रुग्णालयात पाठविला. रात्री उशिरापर्यंत पोलिसांत आकस्मित मृत्यूची नोंद झाली नव्हती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
